لكل مقبل على الطلاق وعندكم اطفال ادخلو يمكن تهونون
[COLOR="Blue"]أولآ أهنئكم بحلول الشهر وقدركم الله على صيامه وقيامه وجعلكم فيه من العتقاء
لااعرف كيف أبدأ وأنا في قراره نفسي لاأعرف إن كان هناك بدايه أو نهايه لمشكلتي وحتى إن كان هناك لاحل أريد منكم دعوه بظهر الغيب قد تفرج همي أقسم بالله إني في كرب وهم مايعلمه إلا الله وسببي الرئيسي لكتابه موضوعي موجهه لكل زوج وزوجه تريد الطلاق ومعهم أطفال
آه ياصبري تزوجت وأنجبت بنت وتطلقت وعمرهاسنه ونص والآن عمرها8 سنوات ربيتها أحسن تربيه سب ماتعرف أدب أحترام للكبير عطف على الصغير ربيتها على الصلاه والدعاء والله مو تفاخر لاكن يارب عندك مايضيع شيء جلست اربع سنوات ارفض كل من جاني لأجلها واخيرآ تزوجت وليتني ماتزوجت بنتي راحت لأبوها لمن سمع برغم تخليه عنها طول السنوات اللي راحت لاكني سامحت لأجل نفسيتها واعطاه ابويه وقاله انه يجيبها زيارات للأسف طيبتنا الزايده ماخلتنا نشوف اللي بيصير قدام ماتهمنا الفلوس برغم ان الكل قالنا ليش ماطالبتوه بصرفتها ولاوقعتوه على أوراق زي هذا نذل لاكن شفناه جا قلنا صحي ضميرة وتعدل
المهم اناعلى وشك طلاق من زوجي 2 حاليآ ونفسيتي متأزمه من كل جهه بنتي حرمه عمها كلمتها أمس قالتلها هذي ماما تبغا تكلمكك قالت بنتي (لاء مابغاها لإنها السبب اللي خلتني هنا )
دعيت بدعوه ابو يوسف عليه السلام لمن سمع بخبر عن من اخوانه قال تعالى (فصبر جميل والله المستعان على ماتصفون)[/COLO انا مو زعلانه من بنتي لإنها طفله وأكيد ربوها على حشي القلوب بس انامقهورة على نفسيتها بنتي تعاقب نفسها يعلم الله اني مابقيت وسيلة إلا وسويتها لجل أوصلها حتى المدرسات يهددهم لمن اتصل اكلم بنتي
لو تدرون الشيب بدأ يدب براسي وزاد بشكل فضييييع برغم صغر سني لسه بالعشرين ومطلقه لل2 وماأقول غير الحمدلله والله ماأعرف طريق الحرام ولا الكذب لاكن فهالدنيا الطيب ينداس
مابغيت حتى أوصلهامحاكم وهم قالولي روحي محاكم كله لجل بنتي ماتتعب وتعرف ان العلاقه متوتره وفي
المحكمه وصل الآن الطلب5 ومايحضروهذا كله بس لجل طلب زياره أجل لو حضانه أيش كان بيصير والحكومه حسبي الله عليهم مبردة ومو مهتمه وأبويه حبيبي في الشمس والحر يراجع الشرطه والقضيه ولاكن بدون فائده تعبت ودي أصيح وأقول يكفي إن أحسنت للزوج أساء وإن أحسنت للطليق أساء أيش أسوي بشهاده الكل والله مظلومه أدعولي محروقه بنتي يقولون تتبول في الليل هذا دليل نفسيتها صدقوني والله ثم والله أقدر أسوي أشياء كثيير لجل آخدها وأشوفها بس أدري أن لها رده عكسيه على نفسيتها أهون وأخاف من انتقام الله فيني يارب هون عليه وتكفون دعوه صادقه لي ولكل محرومه من ضناها بهالشهر
التعديل الأخير تم بواسطة فاقده شيء ; 02-08-2011 الساعة 08:39 AM