يمكن ما شفت استجابة كثيرة من الأعضاء بس قلت بكتب آخر المستجدات

أمس في الليل و احنا في السيارة قعد زوجي يتكلم عن شلون هو متضايق من شغله و إن هو خلاص يبغي يستقيل و يقعد في البيت ! أو يفتح له مشروع أو يشوف له أي صرفه ثانية

مثل ما كتبت في مشكلتي زوجي كان يواجه مشاكل عملية ، يعني أنا أعرف من زمان إن هو مو مرتاح في وظيفته و أنا كنت أصبره و أقول له قدم في أماكن ثانية.
بس انت تشوفونها عدله إن يقول لي هالكلام ألحين و احنا قدامنا مصاريف ياما بقدوم المولود. أنا صدق أشتغل و أساعده ألحين بس و الله تعّب نفسيتي من قال لي هالكلام. أنا إنسانة و عندي طاقة و أمس أول يوم صيام لي و حامل في الثامن كنت ميته من التعب و يجي يغثني بهالكلام. قلت شوف أنا ما كنت مرتاحة من شغلي لكن الشهر اللي طاف حصلت زيادة و بونس و كل هذا من رزق المولود و أكيد الله بجيب لك رزق بس اصبر. بعدها وصلنا البيت و احنا ساكنين في شقة فوق بيت عمي فسكرت الموضوع عشان ما ابين قدامهم اني متضايقة.

بسألكم بكل صراحة - زوجات و أزواج - لو الزوج جه و قال خلاص أنا ابي أفنش (استقيل) من شغلي ، و الزوجة حامل و عارفه المصاريف اللي جاية ، شنو بتكون ردة فعلها ؟ و هل هذا يعتبر تخلي عن المسؤولية أو لأ

أتمنى أسمع منكم ردود

يقعد يقول لي إنت ليش تاخذينها من زاوية هذي مسؤولية ، و أنا في قلبي أقول عجل آخذها من أي زاوية ؟!! مو مسؤوليته كزوج أن ينفق ، و من وين بينفق إذا قعد لي في البيت !!

__________________
الدنيا يمكن تكون حلوة ... بس يا ريتيني أقدر أفهمها !!!