ماعليش ترا صاحبتك زودتها حبتين...
الحمدلله زوجي موظف في قطاع صحي يعني مختلط . في البدايه كنت اغير بس بعدين صار يقول لي في المجال المختلط لابد ان يصير تبادل بالكلام بين الجنسين لان ظروف العمل تحتم كذا وبعض الاحيان تبتسم او تضحك من المواقف اللي تصير. في البدايه ماصدقته بس خففت كثير من غيرتي عليه. بعد مادرست وبديت تطبيقي لاحظت كلام زوجي وكان بالفعل صحيح في امور العمل لابد من التعامل مع الطرف الاخر. وبعض الاحيان تصير مواقف تخليك تضحك بالغصب. بالتطبيق اختلطت مع شباب وبنات من الفلبين والهند والسعوديين طبعا بس والله العظيم اني ما ارتحت الا للسعوديين لانهم كانوا يشرحون لنا كل شي بالتفصيل الممل ويخلونا نشتغل على الاجهزة مع انه ممنوع نظاما.
وعلى فكرة زوجي رقمة عند كل الموظفين والموظفات اللي معاه بالقسم ومع عامة الناس لانه مسؤول الطب المنزلي عندنا بالمنطقة والله انه تجيه اتصالات بنص الليل وماكنت اتضايق لانه هذا عمله اساسا وفيه اجر لانه يتواصل مع المرضى وياخذ اخبارهم ومتى يحبوا سيارة الطب المنزلي تمر عليهم في بيتهم والحمدلله هو مرتاح وعلى يطول يسولف لي عن الاشيا اللي تصير معاه من مضحكه الى محزنة.
يا اختي قولي لصاحبتك لاتشيل هم اولا في ربنا فوق يحاسبه على ادنى الدون وانتهى الموضوع.
__________________
