أنا أعيش نفس مشكلتك تماما يا أخ ..
وأنا كتبت موضوع في العام الماضي .. وهو ( بصراحه ما أحب زوجتي من 5 سنوات ومستحيل أحبها ) !!
يمكن لو تنسخ ما بين القوسين وتلصقها في قوقل راح تطلع لك ما كتبته في هذا المنتدى ..
أنا قليل الزياره في هذا المنتدى ولكن متواصل نوعا ما .. بحكم إني أعيش نفس مشكلتك
وهي أني ما حبيت زوجتي بالفعل .. ولا راح أحبها ..
والكلمه إللي عالقه في ذهني إلى الان مع الردود والزيارات لموضوعي إللي وصل أكثر من 15 ألف زائر .. هي
ان الحب مو شرط يجي .. كالتجاره يمكن تربح ويمكن تخسر .. والصبر على الزوجه كان هو الحل ..
أعشق الحب وأتمنى أعيش لحضات حب وأنا إلى الان أكملت 6 سنوات من زواجي و والله ما حبيتها ..
أوقفت الانجاب .. لدي طفلتين .. كفايه .. ما ابغا منها شي ... أنوي على الثانيه ولكن فلوس مافيه
الماده عندي ضعيفه جدا جدا ... بصراحه شي محير جدا ... وأحس إني حياتي عقوبه .. وأحيانا اقول هذا أختبار .. وأحيانا اقول .. الزواج من الثانيه هو الحل ..
ولكن مين يضمن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مين يضمن لي الحب !!
أحيانا أقول والله التعارف قبل الزواج مهم .. عشان أفهمها قبل ما أقع في المصيبه .. قمت أقتنع بها الفكره البايخه في مجتمعنا وهو التعارف قبل الزواج !!! ( شوف كيف من قوة الوسوسه قمت أقتنع فيها ) وأحيانا أشوف إنها حل بالنسبه لي ..
شي محير ... بصراحه إن الحياة بمجملها حياة كئيبه جدا ..
أقتنعت في النهايه إن الزواج ذا ... مسأله حظ ... ممكن تصيب الحب وممكن يفلت من يدك الحب !!
أنا مثلك ما لي حظ في الحب ولا شبر واحد ...
والمشكله إنه من العام الماضي إلى الان لاحظت في ذقني الشيب !!!!!!!!!!!!!!!!!!!!!! من قوة التفكير والهم وقلة الحيله وقلة الماده ...
أثرت عليه نفسيا جدا جدا .. والله إني ليس عندي أي صديق وأقضي أجازاتي لوحدي ,, لأن الحياة عندي صارت كئيبه جدا ..
طبعا أنا هنا ... كنت متردد أكتب لك معاناتي ,,, ولكن كنت بس أبغى أثبت لك إنك مو لوحدك .. وكثير ناس مثلك ومثلي
وأبغا فقط أشاطرك الهم فقط ..
وعندي حل لك بسيط .. من خلال قرائتي لردود ..
حل أتوقع مدري يصلح لك او لا ؟
أنت حياتك مشتبكه مع أختك .. وزوجتك شخصيتها متأثره من خارج البيت وهي أختك وأخوها .. وحياه متشربكه على بعض
عندي حل لكنه صعب شوي .. بس راح أقوله لك ..
وش رايك تقطع علاقة أختك بزوجتك نهائيا .. !!
طيب كيف ؟
حاول تبتعد .. حاول تنقل من مدينتك إللي أنت فيها ..
وتبدأ مع زوجتك تحت سقف واحد وأربع جدران لحالكم .. وتختار اصدقاء وعوائل جدد في حياتك .. منها ترتاح زوجتك من أختك .. ومنها أنت تبدأ بتجميع أوراقك من جديد .. والغربه تقوي العلاقه ترا !!!
خليها تحس إنك أنت فعلا ما لها إلا أنت في هالغربه ..
أدري حل صعب .. ولكن إللي عندي قلته ..
تحياتي لك