منتدى عالم الأسرة والمجتمع - عرض مشاركة واحدة

08-08-2011, 12:44 AM

رجل الرجال

عضو المنتدى الفخري

تاريخ التسجيل: Feb 2011

المشاركات: 4,415

ابنتي الكريمة لجين إجابة الرد رقم 548
0السلام عليكم والدي رجل الرجال

وعليكم السلام ورحمة الله وبركاته

أنا من يوم ما رديت عليا وأنا قاعده أقرأ في ردك أنت أنا غلطانه وأنا فاهمه غلط ,
(أنا تعبت من تفكير في شو غلط عليهم والله ولا مره غلط عليهم)
مو غلطانه عليه يعني أخطأتي بحفهم
أنتي ما غلطتي عليهم بس أنتي بفهم كلامي فأنا دربتك ودرستك عشان ناصل إلى أن لجين الطفلة اللي داخلك كبرت ولما تصرفتي زي ما وجهتك أهلك فهموا من حركاتك أنك كبرتي فتعاملوا معك على هالأساس وانتي بداخلك ما زالت الطفلة تسيرك هنا فهمك وفهمهم للي سويته.
(هم يكونون السبب حتى في لبسي أنا متعوده البس هذا اللبس في البيت قبل لاتزوج ليش لحين صار في نظرته غلط) لأنك كبرتي وباتصيرين أم
(هو أبوي صار يعاملني غير ما صار مثل قبل صار أسلوبه جاف ويعصب بسرعه مافي على اللسانه لجين صرتي متزوجه ( كرهت خالد من أسلوب أبوي ) حتى خالد صار عصبي وكلهم يحملوني أنا السبب.) لأنك كبرتي وهم فرحانين انك كبرتي مو معقوله بكرا تحملين وتصيرين أم وانتي بعقلية الطفلة المدلله ؟
(والدي الكريم تعرف أحس أني ضايعه ومصدوومه من تعاملهم تعبت) راح ترتاحين بإذن الله
(كنت قبل الحفله أحس نفسي مرتاحه ولكن لحين لالا رديت للحبوب وأصيح وأنا أشربها تعرف أول يوم رمضان خالد طلب مني أنزل أفطر وياه على قولته هذا أول رمضان لنا خليني أحس أني متزوج استانست واايد لكن ما قدرت أنزل خفت من مواجهته ومادري ليش خفت) طبيعي الطفلة اللي داخلك تخاف من أنها تكون متزوجه بس أعرفي انك كبرتي ومتزوجهة مو لجين دلوعة ابابا
(يسألني أو يطلب شي طبعا هو طلع عندي الحجره يلا أنزلي رفضت وقعدت أصيح جلس يصارخ يقولي عطيني سبب وانا ساكته ( هذا طبعي ما أعرف أرد على أحد ) متعوده يدافع عنك الوالد والحين لازم تتكلمين بنفسك عن نفسك.
(طلبت منه يوديني بيتنا رفض وراح اتصل على أبوي ( هذه أول مره يسويها دوووم يتصل على اخوي ) أنا يوم سمعته يكلم أبوي والله أني قعدت أرتعش وأصيح مادري لييش)
طفله ويبي يشتكيها واحد على ابوها اللي زعلان منها.
(المهم بعدها بساعه تقريبا جاء أبوي ودخل عندي ما أقدر أوصفلك شعوري يوم شفت أبوي رميت نفسي بحضنه وقعدت أصيح بصوت عالي أبوي يسال خالد شو فيها ليكون مديت أيدك ريلي مصدووم وجلس يقول لأبوي جيبلي حل أنا اتعبت مع لجين ( وكنت خايفه ليجيبله سالفة أمي ) خالد قال لابوي على كل حاجه على علاقتنا تخيل فضحني عند أبوي وقاله أخر مره خليته ... قبل كم شهر وبعد ضرااابه وصياح وخبره أني أرقد بروحي وأبوي سااااااااااااكت والمهم خبره كل شي عنا . أبوي طلب منه يطلع برع وحضني وقالي لجين شو فيج شو تبغين تكلمي قتله أبغا أرد وياك البيت ما أريد أجلس بروحي هني قالي أنتي في بيتج وخالد ريلج جلس يسمعني عقب ما خلصت قالي تبغين تتطلقين الحين أخلي خالد يطلقج لكن والله العظيم راح أعقابج عقاب واحرمج من كل شي صرخ عليا وقرصني بيدي وانا أصيح وأنا أقوله خلاص لا ما أبغاها يطلقني نادى خالد وقاله من باجر ترتب أمورك وتروح تسكن في بيت أهلك وتاخذ حجره وحده بس وممنوع الخدم يسيرون وياكم يعني لجين تخدم نفسها وتخدمك وهو ساكت ويقول اوكيه موافق انا جنيت ورفضت صرخ أبوي وقالي مافي أو أنعدلي هني واعرفي انج متزوجه راح ريلي قاله خلاص هي بتتغير ( على كيفه صرت ) عاد شوف المحاضره اللي أخذتها من أبوي ونادى الخدم قالهم يخذون أغراضي حجرة ريلي وانا ولا حرف بس أصيح مب مستوعبه ولا انا اللي قادره أعترض على شي ( والله أني كرهته ) المهم من هذاك وشوف المناحه اللي تصير بيني وبين ريلي ما أقدر أدخل الحجره اذا هو فيها وصرت أرقد بصاله والمستغربه منه سكوته .) والدك يحبك
وكل ما في الأمر أنه وجد أنك الآن مناسبة للتخلي عن لجين الطفلة التي بداخلك وتكوني لجين المتزوجة الكبيرة لتستمتع بحياتها وتمتع زوجها وتريح والدها من ضغطها .
(أنا تعبت أحس نفسي صايره بداوووومه ومب قادره اطلع منها احس الكل صار يحاسبني ولا أحد مهتم فيني حتى أبوي وخالد صار مثله .)
صح يعني كلهم يحبونك ويبغونك تكبرين مو تضلين الطفلة بجسم وحده كبيره.

أحس كلامي مب مرتب أعذرني بس والله يوم أكتبلك أرتاح وأنا عاهدت نفسي يوم بديت معاك أني أتغير بس حسيته صعب انا مريضه أو هم فيهم شي مادري .

عند أبوي عزيمه يوم الاثنين ومتحلفني اذا ما حضرت وأنا رافضه احضر أحس نفسي خايفه تعرف أبوي قبل كان يقولي اذا احد غلط عليج تعالي خبريني وهو ياخذ حقي ولحين يقولي لا أنتي تكلمي وناقشي أي أحد يكلمج .

اسفه على الازعاج .

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.