السلااام عليكم احبتي "

دخلت الموقع لاستشارتكم بعد ما تعبت خلاص ونفسيتي استائت كثيير

وهي مشاهدت اخي للافلام الاباحيه وادمانه عليها في البدايه ما كنت اعرف بهذا الشي وما خطر ببالي لانو اخوي حافظ القران وامام ومحافظ فابدن ما جا على بالي هذا الشي ولافكرت يكون باخوي
يوم من الايام كان نايم واحتجت شي ضروري من النت فاخذت الابتوب حقو وطبعا جاني فضوول اني افتش في المستندات واشوف

فصرراحه صعقت صعقه تمنيت اموت وقتهاا لدرجه اني ماقدرت اسكر المقطع سكرت الابتوب بكبروو ومو عارفه اش اسوي جلست بس اصييح من الصدمه الي سارتلي وما نمت ليين الصباح ورحت دوامي موااصله وباين على وجهي علامات التعجب والصدمه
احاول استوعب انا في حلم ولا حقيقه
المهم طبعاً اخروحده فكرت اقولها بالموضووع امي لانو حتكون صدمتها اقوى من صدمتي فقلت لاختي وراحت اختي فتحت الاب وحذفت كل المقاطع الي كانت موجوده
وسرنا نراقبو من بعدهاا بعد ما حس اننا نراقبوو سار يحط باسورد للجهاز
خلااص ما قدرت اتحمل ما اقول لامي رحت وقلت لامي طبعاً امي اخذت منو الجهااز ويحلفلها انوو ما فيلو شي
طبعاا حذفو كلو من الجهاز ورااح جابلو هاردسك وحط فيه كل شي وحط فيه باسوورد فقلت لامي انو كذا وكذاوانو يضحك عليكي امي ماتعرف في ذي الشغلات كثير
المهم امي اخذت الابتوب منو والهادسكات لفتره ورجع قالها انو خلاص حيتووب واخر مره وانو وانو ورجعتلو امي الابتوب رغم اني ما كنت موافقه يرجع له بس كنت مسافره ذيك الفتره ولمن كلمتها قالتلي اعطيتوو لانو طلب يسوي شغله حق الشغل الي قاهرني في الموضووع انو امي قلبها طيب تصدقو لو حلفلها بس تصدقو حتى لو كذااب خلاص انا ماسرت اصدقو لو يحلف بالمصحف حتى
ولكنو للان وما زااال لا تااب ولا شي والان تطوور وضعوو بانووسار اذا جو بنات خالتي بنات عمي يجلس يتفرج يعني ما يغض البصر "حتى هما يتضايقون من حركاتو

خلااص انا كرهتتوو نفسي يمووت ولا اشوفو بالشي هذاا وغير كذا اذا احد بيقول نقول لابوي لانو بيخاف منو
ابوي تعباان ولانو الكبير معتمد عليه بكل شي وموكل كل شي له فلو عرف بالشي ذا رح يتعب اكثر واكثر
وهوا لانو ضامن انو مارح نقول لابوي خلاص محسب الوضع عاادي

فكرت بحلوول كثيير سرت ارسلو رساايل على جوالوو رسايل شويه تخليه يفووق من الي يسويه ولا حياه لمن تناادي سرت اقلوو كذا بوجهوو خلاص يكفي ارحم نفسك خلاص سار وجهو مغسوول بويه مرق عادي عندو
خلااص تعبت حالياا ما عندي حل غير اني ادعيلو وبس والي عندوو حل يفيدني الله يعافيك نفسي نفسيتي ونفسيت امي ترتاح الله يهديه يارب ويرجعلو عقلو