المستشار : الله يسامحك كلامك كبير جدا و تعبتي نفسيا
تعبت من التفكير .. حتي ابويا عصب علي ورفع صوته علي اول مرة
شاف الكلام الي أنا كتبته ( مشاعري) في الاب توب .. لأني كنت تاركه الاب توب بالصالة
و رحت له غرفته ابغي اكلمه و ما قبل يسمع مني .
رحت لغرفتي وجلست لوحدي افكر عجزت اقبل اي شي ؟!
جاني صداااع رهيب و تألمت نفسيا بشدة ضميري أنبني ..
جلست ابكي تعبت من كل شي جاني ابويا و عملت نفسي نائمة ما ابغي اكلمه خلاص
جلس شويه وبعدين راح ..!

نمت ممكن ما تصدق لو قلت لك أني شفت في نومي مواقف قديمة جدا جدا كنت ناسيتها
شفت نفسي لما كنت صغيرة و بملابس المدرسة والشنطة علي ظهري و معي زميلاتي الي ما ادري عنهم شي الان
وحده منهم كانت تلعب معي و نتخاصم علي لعبه ..!

لما صحيت جلست اتذكر هذي البنت وليه هي بذات شفتها ؟! تذكرت ان هذي البنت تسكن مع زوج عمتها
أمها مطلقة وأبوها مسجون ..! ليه شفتها ما ادري ؟! بس يمكن لان ظروفها كانت قريبة مني ..
و تذكرت كيف كانت تجي المدرسة تعبانه .. اش دخلها بمشاعري الي كتبت ما ادري ؟'

و كمان تذكرت رنا صديقتي لما كنت ارفض اروح حفلة ميلادها لان أمها ما تخلينا نلعب علي راحتنا
وكنت اقول لها أنا ما احب امك ! و تقول لي عشانك غيرانة ان ما عندك ام ..'
جتني رغبه طفولية مجنونة أني اكلم رنا الي الي الان ما تدري ان أمي موجودة وأقول لها يا رنا أنا عندي ام
ومو زي اي ام تعالي شوفيها ..! ام رنا توفت بحادث رحمها الله ..!
ممكن تقول عني غبية لكن والله عشت بنفسية طفلة لدرجة حسيت فيها أني اتجننت ..

تذكرت زوجة ابويا وهي تقول لابويا ابعد بنتك عن بناتي لا تخربهم هذي ما عندها احد يربيها
ودي أقولها ان أمي افضل منها بمليون مرة واكثر عقل وحكمة وأدب ..

ابويا لما كان يعبئ بيانات المدرسة كان يحط عند خانة الام متوفيه كنت ابغي اقوله لا أمي موجودة
جتني رغبات غريبة غريبة جدا
والله العظيم كنت متمددة علي السرير و بالظلام والهدو وكأني جالسة أتفرج علي فيلم قديم بالصوت والصورة
قفلت التكييف رغم حرارة الجو لأني حسيت بالبرد الشديد ، ما دري ليش ؟'

بس أنا مالي ذنب ؟! ابويا عاش حياته مع اسرة كاملة وامي كمان لكن أنا بقيت وحدي
ليش الان طلعت غلطانه مو حرام ..!
أنا ممكن ما أعيش طويل خاصة أني مريضة ، ليه اعذب نفسي بشي مالي يد فيه
ولو مت هل ابويا راح يعطي أمي حقها من الميراث ..!

أمي ليه ما تسال عني ، ليه ما حاولت تكون معي ، معقوله تحبني كذا بس
ابويا الان بس عرف انها أمي ؟!'

لو كنت مكان أمي تركت بنتي صغيرة وتزوجت وخلفت غيرها وعشت كل المشاعر أكيد راح انسي
بنتي واعتبرها ماتت زي اي ام يموت طفلها تنساه ..!

اسفه اذا أسئلتي تسبب لك إزعاج لكن ان كانت تجرح اي ام فهي تعذبني وبقوة ..

__________________
في صدري ضيقة ~~

جعلها في صدر منهو تسبب فيها ~~