اقتباس:
المشاركة الأصلية كتبت بواسطة دارين ؛
السلام عليكم .. أخي الفاضل ..
سجلت في المنتدى بخصوص مشكلتك !!
واتمنى إني أفيدك ..
عن تجربة شخصية ..
زوجتك تتوحم فيك والله اعلم .. !
لي من تزوجت 9 شهور وحملت بعدها بثلاث شهور
توحمت بزوجي وكرهته كره شديد لدرجة إني طلبت منه الطلاق !!
وإذا جات الوالده او الوالد يتكلمون معي في موضوعه اكره اكثر وأجيب اني لا أريده
وإذا أحتد النقاش بيني وبينهم ابكي وادعي عليه بالموت !!!
لأن هو سبب ضيقتي
كان وحامي شديد لدرجه إن الوالده شكت إن فيني عين او سحر
وذهبت اكثر من ثلاث مرات لشيخ يقرا علي ,
أذكر كنت اكرهه بشكل كبير ذاك الوقت حتى لو اتذكره واتذكر شكله يزيد كرهي !!
واذكر بعد اني كنت اطلع كل مساوئه عند امي وابوي بس عشان يكونون بصفي ويجعلونه يطلقني ,
بس كانت امي عارفه إنه وحام وقالت انا ماراح اخذ بكلامك الحين
وانتِ الحين ماينشره عليك
اذكر حتى كنت ارد عليها واقولها ليش انا مجنونة !!!
وفهموا زوجي إني اتوحم وانه يصبر علي
كان وحامي شديد لدرجه إني ما اكلمه وكل ما أرسل لي ساله اكرهه اكثر ( مع إن الرسالة اما ان تكون غزليه او شوق او فقد )
مع نهاية الشهر الثالث كنت ارضى اطلع معه في مطعم او اي مكان بس يكون غير الشقه بس مو دايما ع حسب وحامي
لأن بعض الأيام يخف
ومع الشهر الرابع خف اكثر بكثير وكنت اخليه يجي بيتنا ويزورني واحيانا اروح الشقه بس ما اطول
ويوم دخلت الخامس الحمدلله خف وحامي ورجعت الشقه معه بس فيني بعض الحساسية يعني ماشتهي ريحته بس اني ما أكرهه
والحين انا بداية الشهر السادس وهو في مكة والله يرجعه بالسلامه وحيييل فاقدته
كنت ابي اقول
اصبر ع زوجتك لما يخف الوحام الحين تكرهك بس بعدين بتحبك وبتعرف إنك تحبها وصبرك عليها اثبت لها
هي ماتسوي هالشي إلا لأنها كارهتك بس والله بعدين بتندم
انا الحين احس بندم لأني دعيت عليه وطلعت شي من مساوئه
والله يجمع مابينكم يارب
واتمنى إني افدتك ,
ودعواتك لي ولزوجي وللبيبي إلي في بطني
والله يوفقك ويسعدك دنيا وآخره والمسلمين اجمعين .
|
الاخت دارين
حياك الله بيننا وانضمامك لاسرتنا
والله يكثر من امثالك
كلامك صحيح بس المشكله زوجتي وصلت السابع يعني وينها ووين الوحام
ماضنيت انه وحام خصوصا بعد اتصالي لامها اليوم
الله يبارك فيك ويخليكم لبعض انتي وزوجك والطفل ويرزقم الصحه والعافيه
تحياتي