ا
لسلام عليكم
ـزيكم يا احلى بنات ..يارب تكون أخباركم كلها خير بأذن الله ..انا عارفه والله أنى مقصره معاكم لكن معلش أعذرونى نتوا عارفين رمضان والبيت وفراءه القران + تعب الحمل كله مع بعضه ربنا يهون
عندى حاله ملل غريبه ..مع انى كنت متصوره انى لما احمل خلاص مفيش أكتئاب بس يمكن دى حاله عاديه علشان الهرومونات معرفش ..او يمكن من التعب او اعده البيت اللى طولت ...بس الحمد لله على كل شئ
يارب يرزق كل مشتاقه بحق الشهر الكريم والايام المفترجه دى ..وياريت بجد يا بنات متنسوش القيام والدعاء
فى ورد أنا كنت عملته رمضان اللى فات وياريت كل مشتاقه تعمله ( قبل الفطار بالظبط تقولى " المصور جل جلاله " 7 مرات وتدعى ان ربنا يرزقك الذريه الصالحه) لمده 7 أيام
والحمد لله مر رمضان الماضى ورمضان اللى بعده كنت حامل والحمد لله
زهور حبيبتى ..البقاء لله وأن شاء الله تكون أخر الاحزان بأذن الله ..انا فاكره طلبك والله مش ناسياه ..انتى قولتيلى ياريت تقوليلنا اول ما سمعت خبر الحمل عملت ايه ..
بجد مش قادره أوصفلك كان أحساس غريب جدا ومكنش مصدقه طبعا لحد أخر لحظه كنت بحسب الدوره متأخره عادى وكلمت المركز أخدت أسم حقنه لتنزيل الدوره ..وكنت بلبس علشان أنزل اخد الحقنه وزوجى راح المعمل يجيب التحليل وانا بالبيت بلبس علشان الحقنه ..وفعلا ما كان شئ ببالى
مع انى واثقه من ربنا جدا بس كان كل خيالى ان ربنا يستجاب دعوتى ان الحقن القادم ينجح ..والحمد لله ربنا كرمه أكبر واعظم من كل تصورنا
اما زوجى فعلا مكنش مصدق ولما كلمنى عالموبيل قعد يقولى مبروك يا( ...) أنتى حامل ! قلت له بطل هزار بقى انا بلبس علشان الحقنه وانا بعيط..ههههه معرفش ليه
قالى والله يا بنتى انتى فى الاسبوع الخامس كمان
.صليت شكر لله وانا بعيط وكلمت امى واختى وانا بعيط ..وأول كلمه قلتها والله دعيت لكل واحده مشتاقه للأمومه ودعيت لواحده جارتى برضه لسه ربنا مرقهاش ودعيت وانا ببكى جدا
كوكار حبيبتى تيجى مصر أن شاء الله بالسلامه بتفكرينى باختى برضه قبل ما بتنزل بتعد تقول لنا ايه الاخبار انا بسمع كذا وكذا ديما اللى بره مصر حاسين بوضع مختلف بس ده لانهم شايفين الاحداث من بره الحدث مش من الداخل
انا مش عارفه انتى مانزلتيش مصر من امتى بس لو بتتكلمى عن الوضع الامنى فهو بقى أحسن من ايام الثوره بكتييييير طبعا الناس بتخرج وبتروح اشغالها وبتتفسح وبتصيف وبتروح النادى هههههه وصدقينى الاحوال هنا مش زى ما انتى متخيله أحنا فعلا عايشين عااااااااااادى خالص زى الاول ..انتى بس علشان بره مصر حاسه ان ممكن يكون الوضع غريب
دلوقتى التحرير مفيش اعتصامات ولا مظاهرت الجمعه من ساعه من اذاعوا جلسات محاكمه المخلوع عالتليفزيون
كلاب مبارك بقى بتوع اسف مابيعملوش برضه لا مظاهرات روكسى ولا مصطفى محمود ..مركزين على التجمع الخامس وقت المحاكمات علشان يضربوا أهل الشهداء بالطوب ويختلقوا مشاكل ...ربنا يخلصنا منهم لانهم وصلوا لحد الغباء فعلا
انا فى اكتوبر ومفيش اى حاجه بنخرج عادى وعايشين عادى واهلى فى مناطق كتير فى مصر يعنى الوضع مستقر الحمد لله ربنا يعدى الايام دى على خير ونخلص من مبارك ده بقى وبواقى الحزب الوثنى
رونا ...والله ربنا معاكوا ويهدى الاحوال عندكوا يارب وتخلصوا انتوا كمان من الطاغيه بأذن الله مفيش حاجه كبيره على ربنا
باقى المشتاقات بحبكوا كلكوا فى الله ويارب تكونوا بألف خير يارب ورمضان القادم بأذن الله نبقى كلنا امهات دهمفيش حاجه بعيده عن ربنا أبدا ...بس اوعوا تنسوا الورد اللى كتبته فوق بتاع رمضان بجد يا جماعه والله أسماء الله مافى أحسن منها فى الشفاء ...أدعولى ربنا يرزقنى ويثبت حملى بأذن الله
]ربى لا تذرنى فردا وأنت خير الوارثين ..اللهم انى أستودعتك جنينى يارب يا من لا تضيع ودائعه ..يارب ثبت جنينى فى رحمى وأجعله فى قرار مكين .. يارب يا من رفعت السماء بلا عمد ثبت جنينى فى رحمى وأجلعه أمنا مطمئنا..يارب بحق أنك انت الحافظ أحفظ جنينى من كل شر و سوء...اللهم أنى أعيذه بك من همزات الشياطين ..اللهم انى اعيذه بك من سحر الساحرين ومكر الماكرين وحسد الحاسدين وكيد الشياطين ..واعيذه بك من كل شيطان وهامه ومن كل عين لامه يارب العالمين وصلى اللهم وسلم بارك على سيدنا محمد وعلى أله وصحبه وسلم[/SIZE]