المشاركة الأصلية كتبت بواسطة آلام الماضي

حسبنا الله و كفى حسبنا الله و كفى

يا قلبي الله بيشفينا ان شاء الله بااذن الله ( انه لايياس من روح الله الا القوم الكافرون )

اختي بسألك كيف صلاتك تتعبين فيها ولا و القران تتعبين بقرايتها وتجدين صعوبة مثلي ولا
يوم بدات العلاج مع الشيخ كنت احس في البدايات كتوفي بتنخلع ثقل فظيع جدا عليها كان احد جالس عليها وكنت اتضايق طبعا من القران تجشأ كثير اثناء القراءه حركه في البطن والظهر وباطن القدم كنت اسمعه يقلي وقفي لكن خفيت تدريجيا والان الحمد لله ارتاح جدا لما اصلي هذا في الصلاه
و علاقاتك الاجتماعية كيف و بزوجك و باهلك خاصة حاليا ؟
طبعا بالناس عدم مابغى احد يجيني ولاابغى اروح لاحد واذا احد بيزورني اتضايق حتى لو انهم اهلي اتضايق واوقات ابكي وجسمي يرتجف وقلبي يدق بس مو دايما قبل مايجون بس الحمد لله الان الوضع تغير مره صرت ابغى ازور الناس وابغاهم يجوني واهلي كمان طول الوقت وانا احاول فيهم يزوروني بس باقي شوي يعني ماتغيرت مره باقيلي اوقات ابكي اذا احد يبي يزورني
زوجي بعض المرات اسمع الكلب يسبه و يقوله انها ملكي و خرابيط بس ماعمري كلمته و لارديت عليه مطنشته بأكبر تطنيش الحقير
الحمد لله حلو هذا افضل شي طنشي ولاتجلسي تتسمعين لكلامه اول مايبدا يتكلم اقطعي التفكير على طول تعوذي بالله منه وتحسبي كثير تراهم يتضايقون منها كثير واستغفري خلي لسانك 24 ساعه ذكر لله وانشالله تلقين الخير الكثير
بالنسبه لعلاقتي مع زوجي كنت زمان اذا تحممت خاصه اكتب على المرايه اكرهك يافلان اقصد زوجي واذا كتبتها ارتاح وكنت اكتب على مراية التسريحه كمان اكرهك وبعدها ارتاح نفسيا وامسحها عشان لايقراها زوجي
العلاقه الخاصه برود فظيع وكره لها بشكل مو طبيعي واوقات اذا بدانا فيها يطيح شي في الغرفه او انا احس اني بطير مقدر اكمل وبعدها اتضايق واجلس ابكي الين ماصرنا نتحاشاها لاننا متاكدين ان بيصير فيها شي واوقات نسمع شيخ كبير ينادي او طفل صغير يبكي يعني اعوذ بالله اشياء مخيفه جدا يبغونا نمتنع عن بعض الحمد لله على كل حال بس الحمد لله احس انه بدا يخف لكن ماراحاما اهلي اتضايق اذا كلمتهم غصبن عني و احاول انهي المكالمة بسرعه

اما الناس يسخن راسي عندهم و احس بدوخة و احسه يبغى يتكلم بفمي يبغى يحرجني بس اقوم و اطلع اتعوذ و استغفر و ارجع و الحمدلله ما قد مرة احرجني او فضحني الكلب
ابغى اجلس اسبهم لكني امسك نفسي عشان كذا اتحاشى اجلس معهم لان وجهي يفضحني يقلب على طول اذا تضايقت لكن الحمد لله اقدر اسيطر على نفسي واذا تضايقت مره اروح للحمام واجلس ابكــــــــــــــــي واغسل وجهي واخرج هذا حتى مع زوجي اتذكر كنت ابكي كثير وانا اتحمم من زمان واستغرب انا ليه كذا وليه حزينه يعني كل شي الحمد لله متيسر ليه الحزن الان عرفت جواب كل اسالتي الحمد لله على كل حال
بس كل الاهل و القرايب عرفو ان فيني شي شكو فيني الكل يقولو تغيرتي ماعاد تسولفين و طول الوقت سرحانه و ما كأنك معنا و نحفتي مرة صرتي هيكل عضمي و سمممرررتي مررة و تغيرتي 180 درجة و الكل يسألني بس اقولهم مافيني شي بس شوي تعبانه يقولون دايم تعبانه دايما كذا
الجسم اكيد اني خسيت على بالهم زود اهتمام مايدرون انه من سدة النفس من الهم والغم اللي على الصدر
انا لاحظوا على نفسيتي الفتره الاخيره لاني كنت اموت بشكل بطيء ولااتكلم وانسى حتى اسمائهم مع اني اعرفهم معرفه قويه جدا اجلس اتذكر واخجل من نفسي وهم يطلون فيني مستغربين هذا كله غباء مايدرون ان العقل ماهو فاضي يفكر في الاسم العقل حايس بالشياطين ووسوتهم وافكارهم الخبيثه وتخويفهم مايقدر يستوعب شي ثاني الحمد لله على كل حال
و امس زوجي كان يقولي الكلب اللي فيك يوسوسلك يبغى ينفرد بك والله يا اخوان كنت بصفعه كف بدون ارادتي بس تداركت الامر و عرفت انه من المس لا حول ولا قوة الا بالله و كل ما يقولي شي الحقير اروح اقول لزوجي عشان اقهره و يقولي اتخبرين زوجك بكل شيء سترين سترين !! حسبي الله و كفى