اختي نفس مشكلتك حصلت لي
كانت عندنا شغاله مو بالفيزاا رغم امي ما تحب ذول حق الشهر ولكن اظطرينا وجبناها المهم
جلست عندنا يمكن شهريين وكانت عاديه مافيها اي شي وكان شكلها برئ ولا توقعنا حيسير منها شي زي كذا
امي من طبعهاانو كل بعد فترهـ نفتش اغراض الشغاله طبعاً بدون علمهاا تشغلها بشي ونفتش خصوصاً اذا شى ضاع عليناا
المهم
يوم جدتي فصخت خاتم ذهب حقها وحطتو ع الطاوله رجعت ما حصلتو قالت لامي وجلست امي تساأل عشان تلمحلها اذا هيا تجيبو ترجعو
ويوم كان عندنا ضيووف كثيير والشغاله مشغووله مره وغير كذا غرفتهاا بعييده عن غرفنا وعن البيت يعني منعزله شوي
امي قالتلي خلاص روحي انتي فتشي بس بدون لا تحركي شي وتعرف انو تحرك دوري الخاتم
ورحت طبعا اول شفت كيف الترتيب الي هيا مرتبتو عشان ارجع زيوو فتحت شنطتها الصغيره اول شى مرتبه ومافيها ولا شي غير بوكها وشغلاتها سكرت الشنطه
مدري ليش كذا طنت في راسي افتح الشنطه وافتش ثاني مره ذي المره نزلت اغراضها في الارض تخيلي لقيتهاا
قاطعه الشنطهـ من جووه ومدخله فيها شغلاات وحاطه اغراضها من فوق كانو مافي شي
المشكله مو في الخاتم سارت الحين
مسكت الشنطه وفضيتها زييين تخيلي لقييت خاتم جدتي وفوق هذا لقييت صورنا كلناا كل اخواتي وكل اخواني يعني ماخذه صور العيله كلهااا والي يخوف اكثر في الموضووع انها قاصتها يعني الصوور قاصه حوافهاا زيين مو مبينه الى الوجه والجسم عشان تقدر تدخلها في الشنطه
انا خفت والله دقيت على اختي وقلتلها انتبهي الشغاله تجي يجهت غرفتهاا نهاائي حاولي تشغليها لمن اجي
وجلست كملت تدويير اخذت كل الصوور والخاتم الشغلات الي ماخذتها وحطيت بس عفشها بشنطتها
وفتحت شنطت الملابس زين ما جاتني سكته قلبيه مسكت ملابسها افتحهاا واحد واحد تخيلي القاها مدخله داخل ملابسها من ملابسنا ومطبقتها كانها ملابسها بس
والله ملابس كثيير ماخذه حتى ملابس ابوي ماخذه منها لمن شفت الشي هذا صراحه ما استبعت اشوف اشيااء ثانيه تفجعني ويمكن مخبيتها بنفس الغرفه
قمت كبيت شنطتهاا كلها ودخلت ملابسها بس وتاكدت من الخيااطه لانو احياناً يدخلو اشياء ويخيطوو لقيت روب من اروابها مدخله مخيطه من تحت مدخله سلسال ذهب ومخيطتو مدري كيف وصلتلتو
المهم
جمعت عفشها بس كلو وعبايتها وحطيتها على جنب في الغرفه وسكرت الباب بالمفتاح ورحت عند امي وحكيتها كل شي
قلتلها انا جمعت كل عفشها الحين دقي على الرجال الي جابها يجي ياخذها بدون ما تحس وبدون ما تقوليلها انك حتروحي
لانو ممكن تخبي شي او تسوي شي
وبس دقينا ع الرجال وقولنالو تعال خذهاا ولا رح تلقها في قسم الشرطه جا علطوول ياخذها هيا كانت تشتغل ناديتها طبعاً خليت اخوي ينزل عفشها تحت عند الباب مع العبايه
وامي مرره تخاف يعني انا اسوي كل شي امي تخاف من الشغلاات مره وهما صراحه لو شافو الشخص خايف يستقو عليه ممكن اكون طيبه بس كل شي بحدود مو طيبه لدرجه يظحكوعليا
المهم نزلتها لين باب الشارع وقلتلها افتحي شعرك فتحتو لقيتها لافه شعرها ببكله من بكلنا قلتلها افصخيها قالت هذي حق انا وبدت تصرخ هما يصرخو ويبكو يحسبو انهم يتغلبو بها الطريقه قلتلها طيب مومشكله هذي حقك خلاص اعطيني هيا وانا اعطكي كرتوون زيهاا جديد عشان اسكتها
وخليتها تلبس عبايتها واعطيتها كيسها وشنطتها وقلتلها يالله مع السلامه وراحت
ومن يومها حرمناا نجيبهم حق الشهر ذوول وحتى الفيزا يبالهم انتباه والله بس صراحه ذي جمعت صور العيله كلهاا صح انو كان غلط مننا صورنا حاطينها بنفس غرفتنا لكن كان درس الحين صورنا مسوين دولاب خاص فيها ما توصلو الشغاله الاحتياط واجب"
وتوته توته خلصت الحتوتهـ
وعلى موضوع شغالتكم شووفي انا بقولك لا تكبريين الموضووع وتصدعيين راسك انتي حصني نفسك كل يووم وقولي اللهم اكفنيها بما شئت وصدقيني ربي رح يريح بالك
كذا حتجلي شايله هم واساساً منتي عارفه هيا معاها او اترمت يعني توتر وقلق كلو على شي مو متأكده منو "
قولي الدعااء هذا وربي رح ييسرلك امرك" ولو صدق هيا اخذتها رح تجي لمن عندك وترجعها بارادت ربي"واذا مو عندها ربي حيريحك"
تقبلي مروري بكل ود
والله ييسرلك ويفك ازمتك يارب"
__________________
تدري متى تنفض يديكـ وتعاف (( الحياهـ ))...
لا عطاكـ الله معاآآآآآناة وحرمكـ (( الــصــبـر ))...