المشاركة الأصلية كتبت بواسطة العـ/الفريد/ـقد

عزيزتي.... شكلك وسط الحريم جلستي تقولي زوجي يعمل وزوجي يغسل وزوجي يكوي

وراااااح المسيكين فيها .... تدرين يمكن أحد تمسخر عليه سواء ذكر أو أنثى وحررررررررررررم ولو كان صحيح والله ما ألومه .. وش درى النسوان ان زوجك ملااااك؟؟؟

صدقيني بلاك كله من عيون هالحريم .... بلاااك يا عزيزتي من لسانك

لذلك ........

حل اللي بداخلك انتي عندي

إذا فيك عين قوية فهو يقوى بذنوبك... بمعنى كل ما تذنبين ذنب حتى لو صغير هو يقوى عليك ويعذب فيك

لذلك أختي عليك بالرقية الشرعية... وأهم شي سورة البقرة سورة البقرة سورة البقرة

من تجارب أقولك هالكلام.... كل يوم أقرأيها .. حتى لو تعبتي كملي ... والله لو سويتيها فاعرفي انك بتحرقينه حررررررررق

أما باقي كلامك من ناحية زوجك ما يساعد مثل قبل وما إلى ذلك... يا عزيزتي في نهاية الأمر كل واحد لازم يقوم بدوره في الحياة

وكل واحد عنده واجباته لذلك حرام تضغطين عليه عشان يساعدك في أمور المنزل صدقيني بتكونين أنانية

عشان كذا هو يتهرب منك وماراح يتعدل وبالعكس راح يخبص بالأمور الثانية لذلك انسي انسي كل شي وخلي الرجال يقوم بشغله والأشياء المعروف ان الرجل يسويها وبس

خلااااص يا أختي اسرتكم كبرت ولازززم يصير تغيرات

حتى الليالي الورديه والكلام الحلو والشغلات ذي كلها تخف بعد مرور سنتين أو ثلاث سنوات

ويبدأ العد التنازلي

لذلك لا تضغطين عليه وتقوليله انت ما تفعل انت ما تعمل والله لو له نفس حتى ماعاد يسوي شي لأنك وراه وراه بالكلام وبس تنتقدينه ... سويتي له احباط

حبه حبه الزوجه الذكيه هي اللي تغير من زوجها أي شي مو عاجبها بس بدوووون ما يحس على نفسه وهذا هو الذكاء

وحتى لو صبرتي أشهر وين المشكلة ... أهم شي شغل مضبووط ويعجبك في الأخير

وأتمنى ان الله يهديك ويفكك من اللي فيك ويحمي ولدكم ويقر عينكم ببعض

وكافة المسلمين والمسلمات .. اللهم آمين