أخوي لا تخربون عيدكم و بهجة نفوسكم علشان هالسبب
يمكن تكون عندها أسباب خلوها بكيفها
و إذا صارت الجمعة غصباً عنها صدقني ماراح يكون لها طعم
حلاة الناس يوم تجتمع و نفوسها صافيه
العيد ما يكون عيد إلا إذا حس الإنسان المسلم إن جميع أعماله في رمضان انقبلت و طلع من هالشهر و هو مغفور له
فليش تعطون الشيطان فرصة في أول يوم له بعد رمضان إن يفرق بينكم و أنتم أخوان
اللي ما يقدّركم و يحشمكم لا تعطونه أكبر من حجمه لأنه ما يستحق و في النهاية هو اللي راح يتضرر نتيجة أفعاله غير العقلانيه
مافيها شي إذا اجتمعتوا عند واحد منكم
الأهم يا أخوي هو اجتماع قلوبكم و تعاضدها قبل أرواحكم و مو مهم في أي مكان
تكونون بعيد عن بعض و قلوبكم على يد واحدة أفضل من أن تكونوا مع بعض و قلوبكم تنافر بعضها البعض
الله يلم شمل أسركم على الخير يا رب
و كل عام و أنتم بخير مقدماً
__________________
مبالغتنا في الاهتمام بالأشخاص الذين نحبهم تجعلنا نخسرهم أكثر من رغبتنا في الحفاظ عليهم !