منتدى عالم الأسرة والمجتمع - عرض مشاركة واحدة - مقارنة أختي بي وغيرتها مني
الموضوع: مقارنة أختي بي وغيرتها مني
عرض مشاركة واحدة
قديم 24-08-2011, 03:44 PM
  #5
غيركم
عضو نشيط
تاريخ التسجيل: Jul 2011
المشاركات: 190
غيركم غير متصل  
اقتباس:
المشاركة الأصلية كتبت بواسطة زهـرة الـرمـان مشاهدة المشاركة
ياقلبي ترى انا حاسه بيكي ومو بس انتي يلي بتعاني من غيره اختك ..

أنا برضوو ماعندي غير أخت وحده ومتزوجه ..

أكبر من بـ8 سنوااات بس مادري حركاتها حركات غيره أو لآ ..

بس لمن تجي عندناا أحسها بس تبغا تضاارب معاياا تدوور حق المضاربات ..

رغم انو زوجها اسم الله عليه معيشها احلى حياه مو مقصر معاها بشي ماشاءلله تبارك الله ..

كنت مأمنتها على اسراري وحاجات خطيرا وحساسه بالنسبه ليا .. سار خلاف بيننا وفضحتني عند اهلي

الين دحين اسال نفسي ليش كدا تسووي ..!!؟

انا ماليا غيرهاا بس ماعمري حسيت انها تحبني وتشتااقلي ..

حتى مرره رحت بيتها .. واخدت قطعة شوكلاته .. الا قالتلي لالالالا اجلللسي في مكان واااحد

دحين الصراصير تتلم في بيتي .. وسمعت كلامها ..

ولمن زوجها جاا .. ابغا استر نفسي واتغطى .. الا تصررخ باقوى ماعندها تقول بسرررعه بسسسسرررررعه

والله لا اخليه يدخل ويشووفك ومدري ايش ... مافيها تصبر كم دقيقه بس ..

ومعاناه معاها ..

ولو دافعت عن نفسي بكلمة وحده تعالي شوفي اهلي ايش يقولو ..

أحتررمي نفسسك دي بنتنا وهي الداخله وانتي الخارجه .. ويسمعووني كلام كاني غلطانه ..

وانا اختك سرت اطنش واتسااير مع الموضووع عادي لو ايش ماسوت فيا خلاس اتحمل واصبر بس عشان ماما وبابا ..

وآآخر مررا تقوولي انتي معاكي انفصام في الشخصيه !!!

قمت سكت وبس ..




والله معليش كتبت حاجات مالها داعي في صحفتك والمفروض اني اواسيكي ..

بس انا للان مابلقى حل ..

وراح ادعيلك ان الله يرزقك بالزوج الصالح يلي يخاف الله فيكي ويوفقك دنيا وآآخره يارب العالمين ..

وراح اكوون متابعه لموضووعك عشان استفيد من ردود الاعضااء ليكي ..

دمتي بوووود=)
ياحبيلك يازهره يكفي انك شاركتين فضفضتي واشوف احد مثلي ..
انا اختي ماتجي بطريقه مباشره لاني اعرف انها تخاف مني أرد لها بأكبر منها يعني كل شي من تحت لتحت ..

الله يحفظك من كل شر وسوء .. ويعطيك ماتتمنين وزياده ..
رد مع اقتباس