رأيكم في كيفية التعامل مع اهل زوجي
السلام عليكم
كل عام وانتم بخير والله يتقبل منا ومنكم صالح الاعمال
مشكلتي في خالات زوجي
انا زواجي الاسبوع الجاي لكن مررره متخوفه من الحياه الجديدة
خصوصا اهل زوجي ( خالاته) لان حصل اكثر من موقف ضايقني منهم
ماادري هي غيره او هم تعاملهم ناشف معايا
لأن زوجي هو اللي مسؤول نوعا ما عن مشاويرهم قبل .. فأحس كأنهم حاسين انه اخذته منهم
المهم ..
انا احب زوجي وابغى حياه بدون مشاكل لا مع زوجي ولامع اهله
سؤالي .. كيف اتعامل معاهم
من ناحية الزيارات كيف ابين له انه انا ماابغى اروح لهم كل يوم او كل ماراح لهم
لاني بمنطقه مافيها اهلي ولااحد الا زوجي واهله
وماودي اروح لهم كثير ويصير الاحتكاك كثير وتبدا المشاكل
الله يسعدكم رجال ونساء .. شوروا علي بالتعامل السليم والجيد
انا ماقلت لزوجي على حركات خالاته ..
لكن ودي اتفق معاه انه اي شي يضايقني اقول له وهو نفس الشي
الله يسعدكم ساعدوني زواجي بعد كم يوم
