السلام عليكم ورحمة الله وبركاته
أنا عضوه جديده وهاذي مشاركتي الاولى بالمنتدى

أخي العزيز الأخلاق
مشكلتكم مثل مشكلتي بس زوجي نفذ تهديده وتزوج
هذا الكلام صار له تقريبا 12 سنة

كنت أنا بوادي وزوجي بوادي ثاني
زوجي جامعي وأنا كنت خريجة ثانوية
فيه فرق بالتفكير إهتماماته غير عن اهتماماتي
دائما زوجي ينتقدني حتى زعزع الثقة في نفسي وتحطمت يوم تزوج على رأسي
قعدت سنين وسنين لين ارجعت لي ثقتي في نفسي
90% من انتقادات زوجتك كنت احسها بس زوجي اناني أي شيئ اطلبه ما يسويه لي ( أقصد بالمعاملة ) لدرجة كان يقول لي أنا مثل ما أنا اعجبك وإلا روحي شوفي واحد غيري
هو يطلب التغيير مني ولا براضي يغير من نفسه

في سنه من السنين حب وحدة موظفة معاه بنفس العمل جامعية وسبق وقال لي إنه ندم على انه ما تزوج جامعية ( على فكره ترى أنا كملت دراستي الجامعية وتخرجت بإمتياز بعد ما تزوج علي )

مشكلتي إني كنت شبه مدلله وكنت الوحيدة من صديقاتي واخواتي المتزوجة لذلك ما كأن عندي أحد ينصحني أو افضض له

ويمكن كأن سني صغير كأني بحلم مش مستوعبة اللي قاعد يصيدني

كان يهدد بالطرد والطلاق
كان يضرب
كان ينتقد
افتقدت كلمة احبج
المطلوب مني اسوي وانفذ المطلوب مني بس
ممنوع التذمر
ممنوع ادخل بيتنا بمشاكلنا <<<< وأنا ما كنت ابي أكبر المشكلة

خيانته لي وتزوجها بالسر وبعد سنتين أعلن الزواج

تخيلوا كيف نفسيتي في السنتين اللي مروا

على فكرة صادتني عقد نفسيه أثرت على صحتي ورحت اتعالج عند طبيب نفسي وما في فايدة
بس الزمن داوى جروحي

ابقلوكم الطامة الكبرى
زوجي كان يتعمد يخليني اطلع من البيت بس عشان يدخلها بيتي وغرفتي وعلى سرير

شفتوا كيف النفسية ؟

والطامة الثانية
إنها موظفة معاه ومعاي بنفس العمل

شفتوا كيف كان انتقام زوجي مني ؟

آسفه اطلت عليكم بس حدي متضايقه وتذكرت حياتي

ما كان عندي ناصح
هو استعجل اتخذ قراره من غير ما يرجع لأحد <<<<<< في نظرة لما يشاور أحد هذا انتقاص من شخصه وعلى فكره تراه ضربني يوم قلت له ليه ما شاورت أحد

آسفه على الاطالة يمكن مار راح تستفيد مني بس احتمال يكون مصير زوجتك مثل مصيري وعلى فكره ايامها كان عندي ولد عمره ثلاث سنوات

ولا طلبت الطلاق عشان خاطر أحافظ على ما تبقى من بيتي :'-(