موضو ع شيق وجميل ياسمو الأميرة بس أنا أشوف إن الأزواج كأنهم ماشافوا العنوان ومادخلنا إلا حنا يالزوجات نسأل ونجاوب وأنا أتفق جدا مع أم القلب الحنون والغالية نوره بكل كلامهم حتى بآخر سطر كتبته نوره أتفق معاها فيه بس عندي زيادة شوية بأضيفها وهو طال عمرك إن الرجل له مراحل عمرية متعدده وفي كل مرحلة يحتاج لأسلوب معين في حياته يعني كل ما كبر الرجل يحتاج لمعاملة تتوافق مع طريقة تفكيره طبعا كل جيل من الأزواج له طريقة معينة يفكر بها مثلا حنا جيل التسعينات مو مثل جيل الألفين حنا لما تزوجنا ماكنا نعرف إيش معنى الورده الحمرإء كنا نشوفها بس ونحب منظرها وريحتها بس والله إني ماكنت أعرف عن إيش تعبر هالوردة لاكن هالوقت ورود وشمو ع ودباديب وبالونات وحفلات أنا الحين لو بغيت أعرف تاريخ زواجي لازم أرو ح أناظر دفتر عقد قراننا لاكن الزمن هاذا حفلات عيد الزواج وحركات وليالي حمراء وصفراء وخضراء وأشياء فيها مبالغة وتكلف بزيادة أنا صراحة ما أسوي هالأشياء ولا زوجي يحبها نتبادل هدايا عطورات ساعات رسايل طقم ذهب يجيبه بلوزه على ذوقه نسهر عادي بدون تكلف والحمدالله والله إنا عايشين من أسعد الأزواج وحتى الهدايا تكون في أوقات المناسبات مو كل شويه هدية حتى تحس إن لها طعم ومذاق خاص وطبعا الرجال مو سوى كل رجل وله أسلوب خاص وطريقة تفكير خاصة تختلف عن الأزواج الآخرين وكل زوجه تعرف طبع زوجها والطريقه إللي يحبها في التعبير عن حبها له كل وحدة متزوجه تعرف مفتاح زوجها وتعرف إيش إللي يحبه ماعاد الزو ج الغامض إللي على الصامت عاد هاذا يحتاج مفتاح سحري لزوجته الله يكون في عونها
المهم ترى حنا جيل التسعينات مو يعني تفهمون إنا مانفهم في الحب والرومنسية لا حنا أرمس الأزواج بس طريقتنا سريه غير عن جيل الألفين ماحنا قايلينها أخاف تغشون منا وسلامة قلوبكم يالحبايب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله