وعليكم السلام ورحمة الله وبركاته
اهلين اخوي الفاضل وش اخبارك اتمنى انك بخير
الله يوفقك للخير ان شاء الله
حبيبي الغالي
من ترك لله شي عوضه خير
صدقني اغلب الناس يمر بشي ذا
بس واحد عن واحد يفرق
في ناس ان شاف مغريات يناضر ويشوف وينفتن
انا انصحك بشي والله ثم والله عن تجربه
اول شي ادع الله بصدق انه يصد قلبك وبصرك عن الاشيا الي زي كذا
وانو ذا الشي بصدق وقل يارب انا ماراح اشوف الاشيا هذي حتى لو طلعت لي ماراح اشوف فيها وبغض بصري من اجلك يارب وطلب في رضاك واطلب من الله المساعده واطلب من الله ان يعوضك بلحلال عن الحرام واحتسب الاجر واصبر وصدقني ان طلبت من الله شي فيه خير ماراح يخيبك بأذنه تعالى سبحانه اصدق النيه مع الله
يعني ان طلعت وشفت في الاماكن الي تقول ابد اول ماتشوف اي مغريات لف راسك حاول تصد نضرك ولاتفكر فيه صدقني راح تحس بسعاده ومع الوقت راح تتعود ويكون شي عادي عندك انت ذكرتني بواحد من الشباب كان يدرس في احد الدول الاوربيه يقول عندنا فتن ماتحمل قلت المشكله فيك انت لانك تناضر لكن والله لو مشيت في حالك وكل ماشفت شي من المغريات صد نضرك والنيه لله صدقني ماراح تتأثر بأذن الله هذي فتن يبي لها الانسان الي يتصدى لها من اجل الله
اخوي الغالي اقرا هذي الايه وبتفهم كلامي
{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا} [العنكبوت: 69]. يعني ايش يعني الي يبي طريق الحق طريق الاستقامه يهديه الله لها
ببذل الجهد والمجاهدة في الوصول إلى الغرض الذي ينشده الإنسان في طريقه إلى الله تعالى.وهذي سهله
وهذي ايه ثانيه
أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ} [العنكبوت: 1 - 3].[العنكبوت: 1 - 3].
رضا الله يبي والجنه تبي جهد بسيييط
....\
وبنسبه للعاده السريه والعياذ بالله حرام مثل منت عارف وماكتبت الموضوع هذا انت الا عارف انه حرام وانك تبي تتخلص من الحرام هذا يدل انك فيك خير وانك انسان تبي رضا الله الله يهديك للحق
اعلم ان العاده السريه محرمه تخيل يجيك ملك الموت وانت تعمالها حماك الله او يجيك ملك الموت وانت ماتبت وش موقفك بالله
تصور معي اخوي الغالي الله معطيك نعم كثيره محروم منها كثير من الناس احمد ربك عليها واستعن بالله ولا تغضب ربك تذكر ان التائب من الذنب كمن لاذنب له
وسلامتك معذره على كثر الكلام بس احبك في الله وحبيت انصحك
والسلام عليكم