السلام عليكم يا عاشقات ...معلش طولت الغيبه بس انتوا عارفين العشر الاواخر بقى والعيد كل سنه وانتم جميعا طيبين ويارب يكون عدى عليكم جميعا بخير يارب
سلووووووووووووومه مبرووووووووووووك يا حبيبتى ألف مليون مبروك ..متعرفوش والله يا بنات لما بسمع خبر حمل واحده منا بفرح قوى قوى ..وبقول أهى هانت بكره الكل واحده ورا التانيه تحمل وكلنا نفرح بأذن الله..المهم يا سلومه ريحى نفسك خالص وماتشغليش بالك بموضوع الكيس ده هو علشان يبان لازم فتره شويه كده أرتاحى انتى وماتفكريش فى اى حاجه تقلقك
عاوزه بس أقول ل محرومه يا حبيبتى التلقيح الصناعى نسبه نجاحه 20% لانه زى الحمل العادى والنسبه العاديه لحدوث الحمل الطبيبعى لأى زوجين مهما كانوا كويسين 20% كل شهر..فعادى يا حبيبتى انه ما ينجحش من اول مره ..حاولى تعملى حقن نتايجه اكبر بكتير قوى قوى ..وممكن تجمدى الاجنه وتعديه كذا مره بنفس العمليه ..ربنا معاكى ويرزقك يا حبيبتى
كوكار حمد لله على السلامه ,,يابنتى انتى بتنكشى شعرك من دلوقتى اومال لما يكبروا شويه تعملى أيه ههههههه ربنا معاكى ..انا بقى ورمت جدا جدا فلو انتى لقيتى بطه ماشيه تبقى أنا هجيلك على طول هههههههه عموما مصر نورت يا كوكاريتا وبوسيلى كريم وكرمه
غموض حبيبتى ربنا يكرمك ويخليلك حمودى ..والحمد لله كان نفسى فى شريط الحمل والحمد لله مفيش حاجه كتيره على ربنا يارب يرزق كل البنات عاجلا يارب وليس أجلا يارب العالمين....ومبروك لأختك الف مبروك ..شوفتى يا حبيبتى الخير لما بيجى بيجى كله مره واحده زى ما ربنا قال( أن مع العسر يسر) ويسر ربنا مفيش أكتر ولا أحسن منه
زهور يا حبيبتى ..ربنا يكرمك ويخليلك اولادك ويحفظهم يارب ...وبالنسبه لمقوله (المصور جل جلاله)...انا قرأتها فى كتاب أسمه " أسماء الله الحسنى" ومش بيتكلم عن أسم الله المصور فقط ..لآ بيتكلم عن كل اسماء الله وان ربنا بيحب لما حد يدعو الله يدعوه بأسمائه وهذا أحب الدعاء عند الله ..عموما حبيبتى انا هاحاول أجيب المصدر او أسماء العلماء اللى كتبوا هذا الكتاب ومصادرهم بأذن الله لعل الكل يستفيد أن شاء الله
سلمى209 بصى يا حبيبتى الفحوصات سهله جدا وهى تحاليل الهرمونات فى اليوم التانى او الثالث من الدوره وتتبع التبويض وان شاء الله كل حاجه تكون تمام بأذن الله ..بس أهم حاجه تبعدى عنها القلق ثم القلق ثم القلق ربنا يرزق الجميع ان شاء الله
نعميه..حبيبتى اللى بتمرى بيه والله مريت بأكتر منه .لو راجعتى ردودى هتلاقى كوارث ..والله مرت عليا أيام ما يعلم بيها الا الله ,,اتدمرت جدا وحالتى النفسيه كانت سيئه لأبعد حد .يوم لما عرفت ان القنوات ملتهبه ..كنت بموت من الزعل واول جوزاى خدتت أدويه غلط لخبطلى الدنيا ,,تعبت واتبهدلت من غباء وجهل الدكاتره..وكتير عدت عليا لحظات ضعف واحساس الاحباط وبكاء وانهيااااار
,مهما كتبت مش هقدر أوصف حالتى كانت أزاى ..صدقينى مهما كان الهم بس احنا لينا رب كبير ..أنا لجأت لربنا وكنت بتكلم معاه واناجيه واقوله نفسى أسعد جوزى وابكى واتعصر من البكاء غصب عنى ..حتى بعد ما الحقن اللى عملته ربنا ماأردش الحمل يحصل أنهارت جدا ,,وقمت بسرعه وقلت ربنا موجود وهيقف جنبى انا متأكده ..وأديكى شايفه بالرغم من كل ده ربنا وقف جنبى وكان سندى ورزقنى من غير حاجه...صدقينى انا كل ما افتكر انا كنت عامله أزاى قبل حملى ببكى من فرحتى وبحمد ربنا ..لانى والله لو فضلت أحمد ربنا كل يوم من انهرده ليوم القيامه مش هيوفيه حقه أبدا أبدا
نورا ..حلم حياتى .. هاله.. ..منى ..دودى ..مرميس ..حلمى .. رونا ..غلا جلاجل ..أسلام ..زهور البستان..زرافه..ayalla..سعووود ..نورا .بحبكم كلكم فالله ويارب أسمع عنكم وكل العاشقات كل خير ان شاء الله..انا عارفه انى أكيد نسيت حد بس اعذرونى الذاكره باظت عالاخر ..باقى العشوقات بحبكم فى الله وربنا يرزقنا الخير جميعا يارب
(ربى لاتذرنى فردا وأنت خير الوارثين..اللهم أنى أستودعتك جنينى يارب يا من لا تضيع ودائعك ولا خاب ولا ندم من استودعك...اللهم يامن رفعت السماء بلا عمد ثبت جنينى فى رحمى وأجعله فى قرار مكين ,,وأرزقه الخير والبركه وبارك لى فيه يارب العالمين ...اللهم بحق أنك انت الحافط أحفظ جنينى من كل شر ومن كل عين ومن كل حاسد ومن كل سحر ساحر ..ومن كل مكر ماكر أمين أمين يارب العالمين)