اذكر مره وانا امشي في الجامعه دخلت المكتبه بقرا كم كتاب قبل لايجي السواق دخلت المكتبه فجاه حسيت كان احد رمى علي حجر كبير جدا في كتفي باقصى قوه عنده احسست كان يدي ستشل
يدي بدات تتخدر والله العظيم ان مافيه شي دقيت فيه ولاطحت ولاشي كذا حسيت بالضربه ذي كانها رصاصه كادت ان تفتك بي وبكتفي والتفت ووجدت بنات كثير لكن الكل لاهي لم استطع ان اقف ذهبت مسرعه للجلوس على اقرب كرسي وكدت ان اطلب كرسي حتى اذهب للعياده الطبيه لكني شكيت في الموضوع وبدات اقرا طبعا البنات التفتوا علي مستغربين ذي وشفيها دوبها بعافيتها كيف تعبت فجاه وانا احس اني بدوخ مدري وش صار فيني ولاهمني احد المهم جلست على اقرب كرسي وجلست اقرا المعوذات والكرسي والفاتحه واكرر فيها وانا خلاص بيغمى علي اقسم بالله العظيم ياناس ان الموضوع صدق شكلها عين شيطانيه ماصلت على النبي وبعد ماقرات عليها رجعت الحمد لله خفيت شوي شوي وجلست اقرا الين ماراح الوجع
الان من هذا الموضوع انصحكم فرد فرد تتحصنون بعد المغرب وبعد الفجر كلها ثلاث سور قصيره جدا كرروها ثلاث مرات وانتهى التحصين نصيحه لوجه الله ترى والله مايعرف قيمة العافيه الا اللي انحرم منها وانتم بكيفكم
مواقف عجيبه تمر علي سبحان الله فيه موقف ثاني برضه غريب مره رحت للمستشفى عندي مراجعه كنت حامل بولدي الاول والمشكله اني مغطيه وجهي يعني على ايش ماني عارفه ماكشفت ولاشي ونادت علي الممرضه وقمت اباخذ رقم الانتظار والتفت مدري ليه مادريت الا ورجلي بغت تنكسر بدون سبب لاطحت وضربت في شي ولا شي صار فقط التفت على الممرضه بكلمها شوي كذا الا وانا مقدر امشي على رجلي وجلست ابكي ودقيت على زوجي يجيبلي كرسي مقدر امشي وحوسه وكنت بروح لطبيبة النساءوالولاده وتركناها ورحنا لطبيب العظام على كرسي ولما شافني الدكتور اتالم منها قال اشعه لازم بس ورفضنا عشان تشوه الجنين ورحنا لطبيب شعبي في اخر الدنيا قال فيها شعر وجلست شهر مدري شهرين وانا اعالج في الرجل ذي ياسبحان الله مدري هو الشياطين مدري هم الناس مايذكرون الله مدري هو الحظ الخايس زوجي واهلي والكل مستغرب وش الضربه الغريبه ذي
زبدة الموضوع تحصنوا والسلام ولو احد صارله شي لايلوم الا نفسه
__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى