اعانك الله عزيزتي وفرج همك واله يشافيك ويعافيك،،
حبيبتي انت لساتك بأول شبابك، حرام تضيعي شبابك وصحتك ودراستك بهيك حياة،،
انت ببداية الطريق والحياة قدامك،، اجلسي مع نفسك جلسة هدووء وصفاء بوقت يكون ذهنك صافي،،
شوفي حياتك هلا وتخيليها لبعد 5 سنين،، هل انت بتتحملي هالاتهامات ومايترتب عليها من زوجك؟؟
فيما لو اجاك منه اولاد (الله يطعمك الذرية الصالحة يارب) هل بتشوفي ان زوجك أهل للثقة وانه يكون أب؟؟
فكري بكل شي كل شي، مهم وغير مهم، كبير وصغير، شوفي الحسنات ان وجدت وشوفي السيئات،،،
وبناءً عليه قرري، اما بتستمري وبتتحملي او بتفترقوا وان الله يحب المحسنين!!
اما بالنسبة لرأيي الشخصي، فأنا أرى ان كلمة "مطلقة" التي تخافين منها أرحم مليون مرة من الحياة مع زوجك (بالصورة المذكورة)
لانه بكل بساطة يمكن بكرة توصل درجة الشك بأولاده انهم من حدا تاني، ويمكن يطلقك وبهيك بتصيري مطلقة ومعك أولاد+يمكن مستقبل ضاع+العمر راح+ ... الله أعلم شو
لهيك اذا حابة انك تستمري معه انصحية بجد للعلاج واذا لم يستجب فانفذي بجلدك وحاولي ترجعي المياه لمجاريها مع الأهل
زوجك مش من النوع يلي بيستاهل تبيعي الدنيا والناس والعالم كله عشانه،،،
الله يوفقك ويهديك وييسرلك أمرك لما يحب ويرضى،،،