قاعده في الحياه الناس ماترحم رجال وإلا حرمه
يعني مجتمع مامجتمع خلاص قانون الحياه الرحمه من الله والعفو منه
هل أحنا لو تكلمنا لين بكره بنقطع رزق البنت لو أنها تابت لربها مستحيل يكفي حديث الرسول لي أبن عباس .. واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف "
يعني كله كلام الناس يروح ويرجع عليهم
محد ياخذ رزق أحد والله يستر علي الكل وستر الله فوق كل ستر
حتي رجال الله يكتب له الفضيحه بين أهله وربعه ولايقدر يرفع راسه بين الرجال وحتي أهله مايرفعون راسهم خواته محد يخطبهم من أخوهم وكثير نسمع كذا
وكذالك بنات
وبعدين المعصيه في النفس صح أنه زنا مع كم من البنات ومدري إيش لكن متأكده الذنب لو تاب يبقي في قلبه ويتعذب فيه
مهما كان حتي لو تاب يتذكر كم بنت شريفه لعب عليها هل تتوقع أنه مايأثر لا يأثر وسبحان الله الدنيا تدور ويبقي الخوف والرهبه في قلبه
ممكن بنت تتوب وتعيش حياه فيها طمأنينه وسكينه ماضرت أحد وضررها علي نفسها وهذا أهم شي أهي مرتاحه بالقرب من ربها وعايشه بسكينه وهاذي أعلي مراتب الراحه
والبنت لو تابت وصدقت مع الله لو تكلمت الناس لين بكره والله مايقطعون رزقها وراح تتزوج ويمكن تعيش سعيده
أحنا مجتمع قاااااااااااسي جدا مجتمع مايرحم وممكن علي الحرمه بزياده لكن نرجع أحنا مجتمع قاسي
حتي الرجال في مجتمعهم و بينهم قسوه ويكفي مجتمعات الشباب أقل شي نسمع الكلام بينهم لو شاب تأخرت زوجته في الحمل وش راح يقولونه أنت مو رجال مو هالكلام يعني مجتمع غلب عليه التفاهه للأسف

وعموما من بيفتح أذنه للناس وكلامهم بيتعب أهم شي راحه ضميري وقربي من الله وهذا اهم شي أي بنت أذنب وفكرت مثل تفكيرك وأستمرت في الغلط عشان المجتمع مايرحم أحسن الله عزاها في نفسها
أهم شي نفسي وتوبتي مع الله وأهو أرحم بي من نفسي والناس كيفهم وحريم شريفات عفيفات ماتركوهم من الكلام

لا أخي الفاضل الرحمه مو بيدي ولا بيدك بيد الله والقبول بيده الرزقه عنده مو أنت إلي توقف معها ولا أنا
قال تعالي ( قل لو أنتم تملكون خزائن رحمة ربي إذا لأمسكتم خشية الإنفاق وكان الإنسان قتورا )
الحمد الله الرزق بيد الله مو في يد خلقه والله أكبر نعمه أنه ربنا
لانفكر هالتفكير وأي بنت غلطت باب التوبه مفتوح ولاتفكر في الناس كلنا من تراب ومصيرنا له وبنروح من الدنيا كأنا ماجينا فيها

لكن نقطه أهم شي أعرضو عن الكلام في أعراض الناس والله نصيحه لا أحد يتكلم في عرض مسلم ولا مسلمه
الدنيا تدور ومن سمع كلمه يكتمها
ويكفي من ستر علي مسلم ستر الله عليه في الدنيا والاخره أحنا مانبي إلا ستر الله
والله نصيحه الرجال والنساء لاتتكلمون في الاعراض كل شي ولا العرض

الله يوفقنا للخير في الدنيا والأخره ويبعد عنا وعن المسلمين الفتن ويستر علينا

__________________