اولا اطالبك ياندمانه تقري ردود الاعضاء بعقلانيه
يعني تمعني بنصايحهم وفكري فيها .... مو تقرين وترجعين تقولين افكر بليلة رومانسيه !!!
الحمدلله منزله موضوع من بدايات مشكلتك ولقيتي من الاخوان والاخوات اللي برصيدهم خبرة سنوات من الحياة الزوجيه وفي منهم من مر بمرحلة الانفصال فاستفيدي يااختي ... هذي فرصه لاتفوتينها
نجي لمشكلتك
طليقك رجعك والحمدلله بعد ماصار فيه لقاء مع اني لي ملاحظات لكن ماعلينا هو الان يعتبر زوجك
لكن ياندمانه ماتشوفين طريقته غلط لمن طلب انكم تستخيرون لمدة اسبوع !!!!!!!!!!!!!!!!!!!!
ليه مااستخار قبل مايحصل لقاء واحتمال يكون فيه حمل بعد !!!!!!!!!!!
والا خانته شهوته !!!!!!!!!!
ندمانه زوجك انسان حالم ورمانسي جدااااا جداااا ومتأثر بالمسلسلات وهالشئ حلو تتمانه كل وحده بس مو بهالشكل ترا يبغى له ضبط من ناحيتك والا بتكون حياتك كذا واكثر بعد
ابفهمك اكثر
طلاقه بعد 25 يوم هذي مصيبه بحد ذاتها مافكر انك عروس الناس وش بتقول عنك وعن عرضك
اذا هو يحب موت وطلقك معناته مشاعره لاعبه فيه واعتقد غير ناضج كفايه
والواجب عليك بما انك تنورني وفهمتي شخصيته الى حد ما .... عشان كذا لازم تفكرين بمصلحتك وحتى لو تبغين تكملين معاه حطي له مسار يمشي عليه ولا يجلس يتخبط مره ثانيه ويرجع يطلق والا تصير هوشات وزعل وانتوا بينكم اطفال .... ندمانه فكري لبعدين
مو وقته ليله رومانسيه الحين
اللي قاهرني مايشوف نفسه غلطان وانتي عاونتيه للاسف
المفروض اخوك طالبه بورقه الطلاق وانتي ارسلتي له مسج واحد دافعتي فيها عن نفسك ووبس
اما بعقليته هذي حب ومدري ايش وانكسر خاطره وقام طلق ولقاك تطبطبين عليه بعشرات المسجات منها الغزل والمدح والدعاء ولقاء بالمقابل اهلك مرخين مره معه ... جلس يتدلع يشاور نفسه مليون مره لا ويهددك لاترسلين ترا بنفر منك كذا !!! ياويل قلبي فقع مرارتي
والادهي والامر ماخذك لشقه ريح نفسه وسافر وجالس يفكر بعد !!!!
ندمانه عقلك براسك ............
تبين بهذله سوي ليلة رومانسيه وكثفي المسجات وحبي رجوله عشان يرحمك ويرجعك وابشري عقبها ان ماخلى حياته دمار وملى الشيب راسك
واذا تبين حياة صح ابنيها طوبه طوبه بعقلانيه
من رأيي اتركيه لامسجات ولا شئ واذا يبيك يجي لبيتكم وياخذك معه معززه مكرمه
يبي يستخير ومطط بالسالفه انسى اللي جابوه