السلام عليكم ....

معذرة للأخت (ملامح قمر ) تعليق بسيط ...

1-(وبعدين المعصيه في النفس صح أنه زنا مع كم من البنات ومدري إيش لكن متأكده الذنب لو تاب يبقي في قلبه ويتعذب فيه مهما كان حتي لو تاب يتذكر كم بنت شريفه لعب عليها هل تتوقع أنه مايأثر لا يأثر وسبحان الله الدنيا تدور ويبقي الخوف والرهبه في قلبه)

هذا إذا كان الشاب صاحب مبادئ وأخلاق عالية ... لكن برأيك شاب ضيع مستقبل بنت ولخبط أوراق عائلة بأكملها ... إذا ما حس بالذنب من البداية وش الي يفرق بعدين ... للأسف أهم شيء عنج الواحد نفسه في الزمان ...

2-(ممكن بنت تتوب وتعيش حياه فيها طمأنينه وسكينه ماضرت أحد وضررها علي نفسها وهذا أهم شي)
للأسف ضرر البنت على مجتمع كامل ... أم وأب وأخوان وأخوات وقرايب مكن نقدر نقول الكلمة هذه لشاب أما البنت للأسف ..

3-(حتي الرجال في مجتمعهم و بينهم قسوه ويكفي مجتمعات الشباب أقل شي نسمع الكلام بينهم لو شاب تأخرت زوجته في الحمل وش راح يقولونه أنت مو رجال مو هالكلام يعني مجتمع غلب عليه التفاهه للأسف)

ليش ما كلمتي ... لأن صح هذا الكلا الي ينقال للرجال لكن مو نقص فيهم بل المقصود بالشخص الحرمه ... وليش الرجل صابر عليها ليش ما يشوف غيرها .... يعني حتى في الخلفة الي هي بيد الله نحط اللوم على الحرمه ... ودايم تسمعين بعض الرجال يوم يسمع إن زوجته حامل (شوفي لو جبتي بنت الله يعينك ... أتمنى إنك تجيبي ولد ) وكأن التحكم بيده هي تختار تبغى ولد وإلا بنت .......... (((( مسكين مجتمع المرأة))))

4-(لا أخي الفاضل الرحمه مو بيدي ولا بيدك بيد الله والقبول بيده الرزقه عنده مو أنت إلي توقف معها ولا أنا)

صح كلامك بس أنا ما أتكلم على إن الرحمة بيدي وإلا بيد غيري ... لكن ما أقصده هو الحكم البشري على الأشخاص ... يعني حكم مجتمعي علي .. المجتمع الي لازم أعيش فيه مالي غيره ... لا تقولين لا أقدر أغير مجتمعي هذا بالنسبة للرجل ممكن يكون صح بس البنت ... هل تستطيع البنت في مجتمعنا أن تغير من مكان معيشتها ... كل الأبواب في صالح الشاب أما البنات فالنوافذ محدودة قد تدخل فيها واحدة أما الآخرى تكون صغيرة عليها ... تحتاج إلى باب وللأسف لا تجد فتموت مخنوقة داخل الغرفة بدخان الكلام الذي جاء عقب إحتراق ألسن الناس بالكلام عليها ...

5-(ويكفي من ستر علي مسلم ستر الله عليه في الدنيا والاخره أحنا مانبي إلا ستر الله والله نصيحه الرجال والنساء لاتتكلمون في الاعراض كل شي ولا العرض) (وعموما من بيفتح أذنه للناس وكلامهم بيتعب أهم شي راحه ضميري وقربي من الله)
شكرا على أروع النصائح ...

وتقبلوا مني أجمل تحية
أخوكم/أبو سالم