المشاركة الأصلية كتبت بواسطة لجين الحزينه
السلام عليكم يا والدي الغالي
شحالك اتمنى تكون بصحه وعافيه
وعليكم السلام ورحمة الله وبركاته والحمد لله بخير عساك بخير
اسمحلي عندي تعليق على حاجه انت تقول لازم أتعامل على اني كبرت وأتحمل المسؤولية اذا المفروض أنا اللي اختار ربيعاتي ومب أحد غيري خالد منعني منهم هو ما يعرفهم ولا يعرف أخلاقهم عشان يمنعني منهم وهذه الشي مب أول مره في مره قبل لأتزوج اخوي منعني من مجموعة من البنات .
تعاملي مع الواقع لو ما هو زي ما تحبين فشوفي تصرفات خالد الزينه مع الشينه وباللن والهدوء توصلين له اللي تبين
هم يبوني على كيفهم صح .
لا مو صح بس يبونك تصيرين مثلهم لأنك وحده منهم وما يبونك تطلعين عن خط اسرتكم واسرتهم.
يا بابا أنا زرت خالد من نفسي من غير ماحد يطلب مني ( عشان أثبتلك أني تغيرت عشانك ) أول مره من يوم ما تزوجنا أحضن خالد وأصيح حتى هو حسيته انصدم بس كان هادي تعرف أول ما شفت وجهه حسيت بتأنيب ضمير
ليش ؟
( أول مره أحس بهذا الشي ناحية خالد ) جلس يسولف وياي كنت مرتاحه بذات لانه ما فتح أي شيء من اللي صار بينا وخاصةً انا كنت ساكته بيني وبين نفسي أقول خليج ساكته أحسن مني أرد وما يعجبه ردي ونقوم نتهاوش واحنا في المستشفى ( طول الوقت وانا أقرا المعوذات ) .
ممتاز وشفتي النتيجة صح؟
يا بابا اليوم عمي ( أبو خالد ) أتصل عليا وصدمني أنه خالد طلب منه أنه يعطيه جناح عشان نسكن فيه تخيل صدمني وعمي يسألني متى بتجين عشان تختارين الأثاث طبعا ما قدرت أقول لعمي لا خفت منه ولا قدرت أسال خالد يوم كنت عنده في المستشفى لانه شكله كان تعبان وخفت يعصب أنا مب عارفه ليش خالد طلب هذا الشي من أبوه مع أنه عارف رفضي لهذا الشي , أنا فكرت أتصل على أبوي وخبره بسالفه عشان يتفاهم مع خالد ويمنعه بس متردده .
أنا ما أقدر أعيش معاهم لاني أحس بكون مراقبه من خالتي أكثر مع انه ما راح نجتمع مع بعض الا على الاكل بس صرت أخاف منها ومن لسانها , ومن خالد لاننا بنكون مقابلين بعض لان الجناح صغير بس فيه 3 غرف أحس المشاكل بتزيد من بينا احنا مب متحملين بعض في فله .
يا بنتي هذي هي الحياة بقسوتها وحلاوتها ووجودك مع زوجك بأي مكان هو الصح ولو في ملحق فله المهم أنك تريحين نفسك وما تتصادمين مع أحد
ولا يمكن تجي الحياة على كيفك فزوجك رجل وشهم ويحبك ويحب أمه وأبوه والحياة هي الصح ووجودك ببيت ابوك وبالقصر الحالك ويخدمك هو بنفسه هذاك كان للجين الطفلة أما الحرمة تسير ويا ريلها وين ما سار وتتحمل وتفهم اللي قدامها بهدوء وعقلك كبير ما شاء الله بالتصرف مع خالد وأبوه ( عمك)
أنا احس انه في أشياء كثيره من داخلي تغيرت بس يا بابا خايفه يوم أسكن وياهم أرجع مثل قبل .
لا تضغطي على نفسك بنتي كل شي بالهدوء يصير
سامحني عارفه أني تعبتك وياي بس والله أحس أني تغيرت .
|