مرحبا ياعم؟
يارب تكون طيب؟
قبل لا اكتب لك التطورات حبيت ابارك لك على الحفيد الجديد جعله الله من مواليد السعادة يارب وجعله من البارين باهله واهم شي جده رجل الرجال كمان.....
حصلت لي حالة اقدر اقول عنها انها انتكاسه شديدة جدا. صرت عصبية جدا جدا جدا . صرت اعصب واصرخ وصوتي يرتفع على اقل شي.... وهذا الشي انعكس على بنتي لانها هي اللي مقابلتني طول اليوم.... على اتفه الاسباب اصرخ واروح لها بضربها بس لاخر لحظة انتبه لنفسي وابعد عنها على طول... ادخل غرفتي واحاول اهدا واطول كثير... صرت ما اتحمل اسمع صوت بنتي من تكلمني اتحول لوحش شرس جدا بصراخي... صارت تقول لي انتي كريهه انا ما احبك... ارد عليها عادي مو لازم....
زوجي يقول لي خفي على البنت اقول له انا ما ادري وش فيني اكون طبيعية طول اليوم ومن اسمع صوتها احس اللي يكلمني عدوي مو بنتي... اخر موقف مر لي معاها امس كنت من الاساس معصبه وتعبانه من شغل البيت جتني وقالت ماما الحليب انكب على الفرش والله العظيم اني فجأه صرخت عليها بجنون وسحبتها من يدها وادخلها تكرم الحمام واحبسها فيه ثواني بس وانتبهت لنفسي طلعتها وهي كانت تصرخ مرعوبه مني وحضنتها على طول دفتني وقالت وخري عني انتي مو الماما.. والله اني بكيت على حالي كثير اول الكل كان يهنيني على صبري وقوة تحملي على الاطفال ...والحين هذا الشي اختفى....
بعض الاحيان اقول هذا اكيد من الحمل وقرب الولادة .... بعدها اقول لنفسي لاتجيبي لنفسك اعذار ... ما ابي بنتي تعيش معاناتي وانا صغيرة مع اهلي....
ساعدني ياعم وش اسوي معاها ومع نفسي؟؟؟