لحظة لحظة يا ندمانة.
أولاً: انتي ما غلطتي أول مرة يوم قلتين له ما كنت أحبك.لأن هو حزته طلب منش الصراحة،و بعدين يوم جاوبتينه الصراحة زعل. هذا أكبر دليل أنه يبي جوابش يكون نفس الي ف باله.للمعلومية: هو أبداً ما ضحى،و أنتين ما المفروض تُعاقبين لأنش رفضتينه،و لأنه كان يركض وراش وانتين مو عاطتنه وجه. قبل الزواج ما كان بينكم حقوق و واجبات.قبل الزواج انتين ما كنتين له،فمالازم يعاقبش على مواقف مرحلة ما كنتين فيها حلال عليه. فـ يعني لا تبررين له شيء مو من حقه.
ثانياً: مو معناته أنا أحبش،يعني تعالي انتين بعد حبيني بنفس الطريقة،و بطول المدة. عمر المشاعر الصادقة ما كانت بحساب السنين.
ثالثاً: مو يعني وقع الطلاق.هذا يعني انه الغلط كله على المراة. الرجل لازم يكون حكيم،و عشان جذي الله سبحانه و تعالى خلى الطلاق بيد الرجل.اسمحلي كأن سبب طلاقش واحد يمزح.بيوت واجد مفتوحة فيها مليون اختلاف و اختلاف، لكن الطلاق ما يقع.
رابعاً: تمسكي بالرجال طالما هو يستاهل،و متمسك فيش. لكن من توصل لمرحلة انه مسترخص فيش و ما همه مشاعرش،و لا مشاعر اهلش،و لا سمعتكم،و لا رايكم حتى، خلاص ستوووب كبيرة و بدون ندم أيضاً.
خامساً: يعني شلون الوحدة تقول حبيت هذا الشخص،وهو يعذبها؟و ما يحترم مشاعرها؟وما يحترم حرية تعبيرها؟وما يقدر محاولاتها في التقرب؟ و ما يحترم سنوات عمرها الي قاعدة تروح هدر؟
سادساً: أصلاً الاغلاط الي صارت عقب الطلاق. كلها بسبب انش قاعدة تتواصلين وياه،و محسستنه ان الموضوع عادي جداً. يا عزيزتي هذا طلاااق.مثل ما تقدم للزواج بشكل رسمي،نفس الشيء الطلاق لازم يكون بشكل رسمي أقصد مكشوف الموضوع لأبوش و أمش.هم الي المفروض يتصرفون، يوصلون الكلام،و يتخذون موقف حازم: إذا تبيها تعال خذها من بيت ابوها لبيت زوجها،و إذا بعدك محتار،و حاس انك مظلوم مع السلامة.
سابعاً: تدرين انش بوضع المعلقة. و هو بالفايدة؟
ثامناً: أحسش قاعدة تقرين ردود الاعضاء. تقولين راح تآخذين بكلامهم لكن أبد أجوف النتايج كلش عكس.
تاسعاً: الحياة المستقرة.الأمان.الاحترام<< هذي العناصر الي الواحد يركض وراها. مو الحب،و اللهفة.