المشكلة من تعب الحمل و ولدي اللي كل شوي يطلب مني شغلة و يقومني من النوم
او يقومني من مكاني ( الدكتورة قالت لا اتحرك كثير ولا أسافر عشان المشيمة لو
نزلت اكثر عالتاسع، فلازم عملية و يمكن لاسمح الله يصير لي نزيف حاد لاسمح الله
و بعد بكرة عندي موعد بالمستشفى )

ماني قادرة اقوم ادعي و يادوب اتوضأ و اصلي الفرض، اليوم حسيت اني باولد
خلاص.. و شغالة امي تحتاج شغالة تخدمها، لانها مدلعة و ماتحب الاطفال و لا تحب
تشتغل، بس فاتحة المسجل تبع جوالها عالاغاني و حاطة السماعات بأذنها و تغني
و لا تجلس تتكلم مع خطيبها بالجوال طول الوقت..

ماني عارفة ايش اعمل لامي ؟؟؟؟؟؟؟؟؟؟؟
ايش ادعي لها ؟ ايش اسوي ؟
بس راقدة و اتأوه من التعب و لا دايخة و وجهي مصفررر

بس في بالي اني ابغى اولد عشان ادعي لامي وقت ولادتي،، لاني سمعت انها ساعة
استجابة..

في رمضان امي كل شوي تجلس توصيني و تتكلم عن الموت و انا اجلس امزح معها
و اقلبه لمزح او اغير الموضوع او استهبل و انكت و اقول لها كلام يرفع من معنوياتها

بس احس اني بداخلي انحرق و أموت من التفكيررررررررررررر و أنسي نفسي
و اكتم ، و كمان كم مرة اشوف امي بالحلم خاصة الفترات الاخيرة و ماأحاول افتكر
الحلم عشان لا اتعب

زوجي يا نايم يا مشغول برة و حجته بيدور على وظيفة، و لو احتجت لشئ او ولدي احتاج
لشئ فما اثقل عليه.. بس احس اليوم اني حانفجر .. لاني عارفة انه ساعة الولادة ماحد بيكون
معايا و شغالة امي بتسافر و من بداية الحمل و انا اقول لزوجي قدم لي على شغالة و كله على
حسابي، لانه امي مريضة و اعرف نفسي عالاشهر الاخيرة باحتاج مساعدة و فترة النفاس احتاج لشغالة
و لحد دحين و هو يقول بكرة ؟؟؟؟؟؟ و خايفة من الولادة احس اني باموت
بس أتمني ارجع مثل زمان و افرش سجادتي و ادعي ربنا ... بس الشيطان يوسوس لي
انه ربي ما حيتقبل مني، لاني مقصرة في حق ربنا مع الحمل ..

معليه ثقلت عليكم، بس ما احب ابين لاحد خوفي على امي،، لاني قدام امي قوية ..
امي كمان مرة ماتحب تشتكي من آلامها و لا تبين دموعها من اذا تألمت و حتى اذا احد مات
امي تكون متماسكة

بس في اواخر رمضان قالت لي امي انها اتصلت على اختها الوحيدة بدولة تانية و صارت امي
تبكي و تشتكي لها انها تعبت من الآلام اللي في جسمها الضعيف و اختها جلست تنصحها بالصبر
و تقوي إيمانها بالله اكثر

امي دائماً تقول مصير كل انسان الموت، بس ما ابغى اوصل لمرحلة ماأقدر اخدم نفسي و احتاج لاحد
يخدمني او أعجز اني اخدم نفسي، فليت أموت بصحتي و لا اتبهدل عالكبر

اجلس أقولها ايش الكلام هذا ؟ لا تقولي كذا،، ربنا يحبك، و ماحد مرتاح بالدنيا.. الخ