عذراً ندمانه
ردة فعل أهلك غريبه .. بعد موقفه الأخير
ما أدري إلى الآن وهم تاركين لك تقررين وتطلعين وتكلمينه
ما عاد هي على كيفه وكيفك
صرتي انتي الي ماخذته للشقق وهو ما أجبرك >>> هالكلام ما فتح عقلك
اعتقد انه لأبوك وإخوانك حق التدخل الكامل ومنعك من مكالمته بما إنك بحكم المطلقه..للحفاظ عليك ..
اعطوكم الفرصه كامله لترجعوا البعض
لكن زوجك بالأخير يطلع نفسه ويخليك إنتي بوجه المدفع
بعد ما ينسحب ويطلق...
تخيلي لو يقول بالمجلس هي الي تدق علي والا أنا مطلقها ..
عزي نفسك .. تصرفاتك وشوقك له ما راح يرجعه ..
واصلا رجعه مثل هذي ما تنبغى
إنتي معززه ببيت اهلك وما وراك أطفال تخافين عليهم من التشتت
أما هو حسبه الله ولا اعرف ليش يتصرف معاك بهالطريقه

لا تستجدي العوده حتى لو كان الحب والشوق مسيطرين عليك
ولا تطلعين أبد
خليه يحس انك زعلانه
وش فيك انتي الله يهديك البنات يتعززون ويتمنعون ويطنشون شهور
وإنتي مررره ما في صبر

الله يردكم لبعض رداً جميلا

عليك بالاستغفار والدعاء

أما هو خلي موقفك غامض

لانك إن بينتي إنك ما تبينه قال هي ما تحبني
وإن زودتيها وطيحتي عنده قال بفكر واستخير

خليك بالسليم وأهلك هم الوسيط بينك وبينه
واصبري شوي
عطيه فرصه شوي يفكر وياخذ وقته

اقرأي كتاب الرجال من المريخ والنساء من الزهره
رح تفهمين إن الرجل له فتره يبتعد ( والله اعلم بالسبب)
لكن كل ما بعد أكثر تجي العوده اقوى .
وكلامي هذا مو تأكيد إنه بيرجع .. يمكن يطلق ويستمر على رأيه بالإنفصال
بس كل الي تسوينه ما راح يرده لو مشيتي اليوم لعنده وجلستي بالمكان الي هو فيه

ولاحظي إن اكثر من رأي يقولك لا تطلعين ولا ترسلين وقفلي جوالك

واطلعي من الموضوع لين الله يفرجها

مو معناته لا سحبتي نفسك إنك ما حاولتي بكل الطرق للعوده
ولا إذا قربتي معناته انه بيردك

اتمنى انك تركزين بكلامنا والله يهون عليك ويفرج همك