ابي الفاضل رجل الرجال
موقف لاانساه بفرانكفورت بالمانيا
كنا طالعين من ماك وبنتي الي عمرها 4 سنوات تمشي جمبي انا وابوها وعينها عاللعبه الي كانت بالهبي ميل
ونمشي بالشارع الكبير الرئيسي الي كله محلات ومطاعم وناس رايحه وجايه كانهم سيارات من كثرتهم وبسيدين نص الشارع ناس تمشي بجهه والنص الثاني بالجهه المعاكسه وكان ويك اند بعد
متعوده ان بنتي دايم وراي انا معودتهم انهم ينتبهولي اكثر ماانتبه لهم وماابين لهم اني منتبهه عشان مايتكلون علي
المهم طارت عيوني انا وابوها على الواجهات المحلات واكتفيت اني اناديها باسمها كل شوي بدون مااشوفها
لما انتهى النقاش اتلفت وين بنتي
الا زوجي يقول ترى اذا ضاعت برجع الرياض وانتي قعدي هنا بكيفك وين محلمه تلقينها بهلزحمه وانا بس اناديها بصوت عالي واحاول مااركز على تحطيم زوجي وكلامه الغبي
ومصر يكرر والله لو مالقيتها برجع للرياض ماعلي منك <<<<وربي غبي
المهم وقفت افكر والقى حل وقلت لزوجي انا بركض باتجاهنا وانت رح للاتجاه المعاكس <<منها ندورها بالجهتين ومنها افتك من حنته وكلامه الغثيث
المهم مشيت بنفس اتجاهنا بالمشي لقيتها واقفه بدون اي تعابير تكلم المانيه وانا جالسه اركض
وربي وانا بحجابي ووجهي مغطى انا وياها ركضنا لبعض وحضنتها ورفعتها ودرت بها من الفرح
ورحت وشكرت الالمانيه الي كانت معها <<<<<<<بكم كلمة انجليزيه تصاحبها لغة الاشاره
ومن بعدها اكتب رقم ابوها ورقمي على ورقه وبجيبهم
اضافه لكتابة الرقم على ذراعهم
واقول لهم ماتطلعون برا اذا ضعتم مع اي احد ولا تكلمون الا السكيورتي فقط
وبنتي من بعدها حفظت رقم جوالي انا وابوها الحمد لله
ومن تضيع تطلب من الناس الي حولها جوال وتدق علينا
وللصغار اشتريت حزام الفه على يد الطفل ويدي بنفس الوقت من مذركير صحيح ما يخلى الامر من نظرات الفضول والتعليقات ((شوفو ماسكته بحبل كانه كلب ))تكرمون لكن وربي الحبل هذا مالي غنا عنه
هو يمشي براحته وانا براحتي وبيننا هالمطاط
سالتهم ياماما يضايقكم هالمطاط قالو شوي ياماما لاننا مانقدر نركض بس نحس اننا ماضعنا عنك واحسن من انك تمسكينا بيدك
<<<ام ديموقراطيه
موضوع اكثر من رائع
فتقت جروحي ياعم
التعديل الأخير تم بواسطة توفي ; 12-09-2011 الساعة 01:42 AM