منتدى عالم الأسرة والمجتمع - عرض مشاركة واحدة

17-09-2011, 10:00 AM

#869

لجين الحزينه

قلم مبدع

تاريخ التسجيل: May 2011

المشاركات: 406

السلام عليكم بابا شحالك اتمنى تكون بصحه وعافيه :

اقتباس:

يا بابا أنا زرت خالد من نفسي من غير ماحد يطلب مني ( عشان أثبتلك أني تغيرت عشانك ) أول مره من يوم ما تزوجنا أحضن خالد وأصيح حتى هو حسيته انصدم بس كان هادي تعرف أول ما شفت وجهه حسيت بتأنيب ضمير
ليش ؟

أنا بعلمك ليش :
خالد من يوم ما أخذته ولا مره حسيته غلط عليا متعمد يعني لازم أكون انا السبب .
خالد لغاية لحين وهو متحمل أنه يعيش معاي بالوضع اللي انا أخترته مع اني عارفه لو واحد ثاني كان طلقني .
تعرف يا بابا انا وخالد بنكمل هذا الشهر سنه من زواجنا وما رقدنا ويا بعض بنفس الحجره إلا اول أول أسبوعين من زواجنا وطول هذه السنه كل واحد يرقد بروحه , في البدايه حاولت بس ما قدرت والله ما قدرت أول ما يقفل باب الحجره أو يجي صوبي أو يلمسني أجلس أبكي وأصارخ لغاية ما واحد فينا يطلع من الحجره في البدايه كان ما يرد ويقولي أنتي تتدلعين وعقبها على قولته تعبت ومليت ما فيني يوم أجيج تجلسين تصارخين كاني مغتصبج فصار يسكت ولا يتكلم بس لازم من بين فتره وفتره يطلب مني هذا الشي وساعات كان يقولي بجيب شيخ يقرأ عليج بس خاف من أبوي ليعصب عليه .
عشان جذي أحس بتأنيب ضمير ناحيته وبذات يوم شفته في المستشفى كان تعبان مره ( كرهت نفسي ) وهو مب راضي يطلقني عشان نرتاح .

•لحين يوم قرر يسكن في بيت أبوه أنا متاكده لهذا الشي لانه مافي على لسانه وأحنا نختار الأثاث لجين ترى مافي غير حجرة نوم وحده مافي غير سرير واحد طبعا أنا ساكته ومب قادره أعترض على كلامه ( يمكن لاني أحس نفسي من داخل مرتاحه ومالي خلق للمشاكل ) . حتى أبوي مستغرب من سكوتي وعدم أعتراضي على سكن يمكن أقولك يا بابا كل ما شافني أبوي يسألني لجين مافي شي في خاطرج عادي عندج تسكنين ويا عمج ( وانا بيني وبين نفسي أقول عادي إذا أنت متغير عليا مب مثل قبل ليش خالد ما راح يتغير ) .

•مادري ليش صارت عندي قناعه أعطيهم على كيفهم وأماشيهم يا بابا .

•شخص الوحيد اللي مب قادره للحين أتماشى معاه هو اخوي الكبير هو رافض ينسى سالفة ولد عمي تعرف شافني قبل كم يوم في العزيمه اللي مسويها عمي عشان سلامة خالد أول مره يمسكني ويقولي لجين بعدج مصره ما تتكلمين راح خالد وقاله خلي هذا الموضوع عليا أنا عارف شلون أطلع منها ( خوفني أسلوبهم ) لو كان الللي عطاني العنوان واحد غريب كان خبرتهم وريحت نفسي لكن المشكله أنه ولد عمي يعني دووووم يشوفونه جدامهم بذات خالد مستحيل يرحمني إذا عرفه , وساعات أقول أكيد مع الوقت راح ينسى سالفه .

•يا بابا الله يخليك خلاص أبغى أشوف أمي حتى لو من بعيد مب لازم أكلمها والله ساعات أقول باخذ درويل وبسير لها بس أمسك نفسي ولا أشرب حبه ونخمد عشان أنسى سالفه .

•الأسبوع الجاي بنسكن ويا عمي ادعيلي الله يعطيني الهدوووووووووووء والصبر , فكرت أسجل بالجامعه قلت يمكن عشان أطلع من البيت ولا أقعد مقابلة خالد بس خايفه يفسر هذا هروب من البيت لانه كان قبل يترجاني وانا أرفض.