المشاركة الأصلية كتبت بواسطة ليه الغرور؟

زوجتك جاهله يبيلها وقت عشان تفوق وتفهم معنى الحياه الزوجيه وتتحمل مسؤلياتها..بس انت منت مجبر تتحمل وتصبر عليها وتنتظرها تفوق من غفلتها وجهلها لانك رجل ولك رغبات واحتياجات مالقيتها عند زوجتك..

وايضا انت لازم تفهما وتكرر عليها انتقاداتك وضروري توضح لها انه الوضع هذا مو عاجبك وتهددها ياتتعدل ياتتزوج الثانيه وفهمها انت وش تبي منها ووضحلها النظام الي انت تبيه في البيت .. لازم تجلس معها جلسة مصارحه وتتحاور معها في هالموضوع وتحطون النقط على الحروف وتوضح لها انك صبرت الى مافيه الكفايه ولاينتهي النقاش الا وانتوا متفقين..

وغير كدا زوجتك طبيعتها كدا كسوله مو لانك عطيتها ودلعتها والدليل انها من يوم ماجاتك من بيت اهلها وفي شهر العسل لاحظت عليها النوم والاهمال وسكت كان المفروض توضح لها انتقادك وملاحظاتك عشان تفوق وهي على بالها انه كذا صح لانك مانبهتها على اخطأها ..و بالعكس كثير زوجات ازواجهم يدلعونهم ومع ذلك الزوجه تحترمه وتقدره وتقوم بكامل واجبتها تجاهه..معناه مو كل زوجه يدلعها زوجها ويعطيها كل شي تتمرد عليه..بالعكس.فيه زوجات يستحقون انك تعطيها كل شي..وفيه زوجات غير مؤهلات لتحمل المسؤليات سواء دللتها او لم تدللها ..

الحل انك تكلم امها وتقلها على كل شي ..يمكن تنصحها بشي يفيدها وتربيها لك من جديد..

والطلاق ابد لاتفكر فيه ..حرام بينكم طفل..