اقتباس:
المشاركة الأصلية كتبت بواسطة طبعي قااسي
صدقت اخي الكريم الفضل للة ثم انت واخواني واخواتي اسال اللة ان يصلح حالها فعلا انا بنعمة عظيمة افضل حالا من غيري الحمد اللة اشكرك اخي لكن اشعر بالندم الشديد على مافعلت بزوجتي هي الان وبسببي رفضت المعهد وبشدة نفسيتها تعبانة احاول اصلح الوضع لكن مااقول الاحسبي اللة عليها اشوف فيها يوم حاسة باني في دوامة مااعرف اطلع منها واللة المستعان دعواتكم
|
دامك حسيت بالندم الشديد .. وحسيت انك بدوامة.. فانت الى خير ..
لأنك فعلاً غيرت من طبعك القاسي( مبروووك فهذه دلالة حقيقية على تغيرك)..
الان انصحك تطلع من البيت ..
وارسل مسج على جوال زوجتك...
قول لها قلبي ولهان لك.. عيوني محتاجه تشوف الشوق بعيونك...
نفسي اشوفك حبيبتي قدامي يديني بيدينك و اتأمل جمالك وامتع عيوني بانوثتك...وو..وو..ووو..
(خل لسانك ينقط عسل) ..
وواعدها تطلعون لمطعم مرتب هي تختاره لك..
لو دقت وقالت لك ابي المكان المكان قلها وماله الله يصبرني الين ذيك الساعه بس..(هنا تعرف انها فرحت ونفسيتها في تحسن)
لو ارسلت لك اسم المكان مسج اقبل وارسل لها مسج شوق...
المهم انكم تجلسون في محل رااايق تتعشون وتسلفون وتمزحون..
وانتم رايحين لهذا المطعم حاول تمر من عند المعهد.. طبعاً هي رح تتحسب لأي كلمه.. اشر بيدك للمعهد وقلها هذا اللي رح يفرق بيني وبينك..ماعاش والله ولا كان.. بيتفتح مجال للكلام.. قلها انا حبيت اعلق وبعدين نتكلم... وادخل باي سالفة ثانية عن اي شي بالدنيا هي تحبه
اذا جلستوا وقبل مايجي العشا طيح فيها غزل.
خل لسانك خلية نحل تتدفق بالعسل.
نظرات العيون تذيب اكبر خلافات الدنيا.. لازم تجيدها وتدخل بعينها..
حاول لا تقول ما اعرف فانت تتغير بصورة جيدة..
قلها شفتي هاك المبنى اللي مريت من عنده..
بتنفجع هي وترجع للحظة التصادم معك ذهنياً>> انت ركز هنا
انت قول هذا مكان علم والله يأمرنا بالعلم..
وانتي ماشالله متفوقة وناجحه وهذا الشي يعجبني لانه بينعكس ايجابيا على حياتنا واولادنا بعدين...
ولكن مثل التصرفات ذي الشاذة انتي مالك ذنب فيها..
و تصير باي مكان حتى في عهدالرسول صلى الله علية وسلم صار الزنا وشرب الخمر
وحنا بشر نشوف الخير والشر
وناخذ الخير ونترك الشر
هنا ادخل بقوة وبصوت هادي >> ويدك بيدها (مهممممممممممممممممم)
بين لها حرصك عليها
وان نفسيتها السيئة ماترضيك ولا تهنيك
وانك انصدمت لانك تخاف عليها وتحبها وماتتنمى اي انسانة بحياتك غيرها
بين لها ان البراءة شي جميل يحبه الرجل.. وايضا معرفة الشر لاجتنابه شيء جميل
ولكنك تقدر فيها فهمها للحياة وتجنبها للشر
قدر لها انها فتحت لك قلبها
ارفع معنوياتها ... طيرها فوق السحاب
اذا جت تتكلم خلها تتكلم وتطلع كل شي وانت تناظر بعيونها وتبتسم
طبعا رح تستغرب منك
قول لها شكلك وانتي تتكلمي روعه احسه يحرك مشاعري اتجاهك وتجذبيني لك بقوة
اذا بكت لا تكتمها او تهاوشها خلها تاخذ راحتها
واذا هدت قول لها
ماترضيني دموعك ولكنك
ذكرتيني ببيت شعر لنزار قباني يقول فيه:
بعض النساء وجوههن جميلة.. ويكنَ أجمل عندما يبكينا..(هذا عاد سبيشل لك انت بس)
جننها.. شتت شعورها بذيك اللحظة اللي اصدمت معك فيها وصارخت عليها
لاحظ انك الان تعالجها وتعالج نفسك ورح ترتاح وهي ترتاح
اذا جا الاكل عاد لعبتك يا بطل اكلها وتأكلك.. خلك رومنسي..
مافي مانع تاخذ بلشوكة قطعة دجاج صغيرة وتغمسها في صوص او طحينة او في حمص وباب غنوج وتأكلها
وحاول وانت تأكلها تمر وكأنك بدون قصد بالمقبلات على شفتها من برا.. اذا جت بتمسحها قلها لا لا.. امسك يدها عن المنديل وقوم لعندها وامسح المقبلات ............
رح ترجع للبيت وانت شخص ثاني
وفقك الله
__________________
ان انت اكرمت الكريم ملكته.. وان انت اكرمت اللئيم تمردَ!!
التعديل الأخير تم بواسطة الماضي الدفين ; 19-09-2011 الساعة 11:42 PM