اقتباس:
المشاركة الأصلية كتبت بواسطة العـ/الفريد/ـقد
أختي أم نايف
تبين الجد......... ومعليش لا تزعلين مني
مهما كان .. ليه الصراخ بصوت عالي وخصوصاً في وجود أهله؟!
وبعد وهو قدامك تصارخين عليه وتراددين فيه وحصل وما حصل!!!!
أختي مشكلتك الحقيقة إذا الله نجاك مستقبلاً وما ترسخت فعلتك في نفسه ونفس أهله
الرجل ما يحب زوجته تظهر بهالمظهر أمام أهله بالذات وقلتي بعد ان أخوانه موجودين
يعني تركتي منفذ كبيييير لهم في حياتك
وبكره يمكن يقولوله ما تقدر فيها .. وشفناك وش قلت وش عملت...ويقلبونه عليك 180 درجة
وما تدرين لمن تبرد السالفه أكثر وش يطلع
وبصراحه موقف صعب لو أشوف أخوي زوجته تسوي كذا قدامنا حتى لو مدري ايش مسوي فيها
في أساليب كثيرة تاخذين فيها حقك بدون الصراخ وتكذيبه أمام أمه وأخته وبعد قدام أخوه
اسمحيلي مررررره كنتي متوحشه وشكلك عصبيه مرررررره مررررررررره مررررررررررره
بس أحسه هو حبيب وماشال في قلبه .. لكن الأم صعب عليها تشوف ولدها كذا حتى لو غلط على زوجته
انتي أم يا أم نايف وبكره بيكبر ولدك وبتعرفين شلون احساسها
**********
أختي أنصحك تضبطين علاقتك مع أمه أكثر شي وتوددي لها بطبخ أو مساعدتها في بيتها أو تقديم الضيافه إذا عندها ضيوف... أهم شي شغله تتعبين فيها قدامها...
والله يستر .... للأسف ردة فعلك جداً جداً سيئة وياخوفي يصير لك من وراها شي
حمانا الله وإياكِ
|
تصدقين كلامك نرفزني
وخليتيني ارجع احقد عليهم
اولا انا ماصارخت على زوجي انا صارخت على امه واخته
ولا تقولين ليه تصارخين على امه مو ذنبي انها جت تتبلاني قبل تتاكد
وبقوة وجهه تبي تحرجني وتنزل من قدري علشان سلفاتي يشوفون
ولا هو ذنبي ان ماعندها حسن التصرف
ولا جابته امه الي بيحاول يدوس لي على طرف مهما يكون حتى لو كانو اخواني
هذي كرامتي وبكره بسال عنها
وللمعلوميه اخته لما اعتذرت لانها خافت الموضوع يوصل لزوجها
لانها عرفت اني راح اكلمه واعلمه وانا قلت لها اني بقوله لو فيك ذرة رجوله ماكان
خرجت زوجتك من بيتك بقال وقيل >>>>> وهي تعرف ان زوجها لو عرف بيمسح فيها الارض
وخالتي لما اعتذرت خافت الموضوع يوصل الى ابويه وعمي الي هو زوجها
وزوجي حبيبي دنيتي تصرف في لحظه بغباء كان المفروض يجي يتاكد مني ويسالني
واذا على قولتك ان هبيته طاحة عند اخوانه اقوله تستاهل كان شغلت عقلك قبل تضحك عليك حرمه
وللمعلوميه لو اخته وامه ماعتذرو والله لو يموتون ماسوي علاقتي معهم قبل ما يعتذرون
وقبل كل شي انا ولا عمري تندمت على تصرفي بالعكس الى الان مقهوره اني مالطشت اخته
كف يعلمها قيمتها
لاني انسانه اكره البنت الغبيه الساذجه الي تخلي حمواتها وا اي احد بالكون يهين كرامتها
وفي الاخير انا لما طرحت مشكلتي كان قصدي واضح وضوح الشمس
وهو كالاتي
انا ابي انسى الموضوع ولا عاد اذكر زوجي فيه >>>>> فقط لا غير
ماقلت ابي تقيم لتصرفي
تشكرررررررررررررررررررررات
__________________
استغفر الله