المشاركة الأصلية كتبت بواسطة في قلب الغالي

لعلك فيما كتبت ازلت كثيرا من الثقل الذي كنت احس به
اسمح لي ان اناديك أبي - فكلماتك كانت لي مثل البلسم هونت علي بعض مما انا فيه
شكرا لك من الاعماق
ولكني لازلت حائره في بعض الامور اتمنى توضيحها واعذرني ان اثقلت
أتشرف ابنتي بانضمامك لبناتي هنا وأسأل الله لك ولوالديكِ الخيرة المباركة صحيح ان علاقتهم الزوجيه لا علم لي بها ولا اعلم ما وراء الابواب المغلقه من وئام او عدمه
ولا ادري ما الذي بينهم ودفعهم لمثل هذه التصرفات
ولكن يكفي انهم والداي وتحتهم ابناء على الاقل يتجنبون مثل هذه التصرفات امامنا
انا كبيره وكملت سن العشرين وممكن احط اعذار او اتحمل لكن ما ذنب اخواني الصغار في رؤيتهم لمثل هذه التصرفات احيانا
والله ان هالشي بدا يأثر على نفسياتهم وهم كل شوي يجوني ويسألوني شفيهم امي وابوي .. ليش ابوي ما يرد علي امي ؟ .. وليش اليوم ما نام بالغرفه فيهم شي ؟ ليش ابوي لما يطلع برا يضحك ويستانس ويسولف وكأنه شخص ثاني واول ما يدخل البيت يظل طول اليوم ساكت - على فكره هو كذا من الاول لكنه كان اخف من كذا بس الحين من يدخل البيت يكشر وجهه ويظل ساكت حتى معنا - والكثير من هالتساؤلات البريئه !!
كان المفروض المشاكل اللي بينهم تظل بينهم وما يحسسون الاطفال بها
هنا يجب أن أتواصل معهما أو توصلينن لهما هذه الفكرة وتذكرين ما في هذه الأسطر لهما برسالة أو كلمة أو مزح مقصود
وربي انا اهملت كل شي بحياتي وبس قاعده افكر واحاتي .. وش بيصير لو ولو ولو ولو .. اشياء كثيره مالها جواب عندي وانعكس هالشي على شخصيتي صرت انطوائيه وماحب اتكلم مع احد وصح انا مو المفروض ان احط اجوبه لكن هذي امي وذاك ابوي مابي اشوف اليوم اللي يفترقون فيه بعد 25 سنة زواج لا سمح الله حتى لو انا كبيره وحتى لو
يا بنتي يجب أن تفرقي بين علاقة والديك الزوجية بينهما ولا تربطي بنوتك بزوجيتهما فقد تكون والدتك ترفض الجنس وهو يحبه أو هي ترغبه وهو ضعيف وأمور كثيرة لا ينبغي وصولها لكما ولا شك أن سلوكهما نتاج تربيتهما ولا يفترض الكمال فيمن نحب
فاهتمي بلاقتك الزوجية القادمة والحياة وحتى لو وصل الأمر للإنفصال لا سمح الله فهما حران ويديران أمورهما بنفسيهما بما يريان أنه الأصلح ووفق ما يريده الله لهما اهتمي بحياتك المستقبلية وجهزي نفسك لحياتك الأسرية بالوعي والدين والثقافة واستفيدي مما يحدث لتتلافيه مستقبلاًامي كانت ما تتكلم لكن انا اجبرتها في البدايه تقول لي اللي مضايقها وكان بيذبحها من الهم
ويمكن هي ترتاح لما تتكلم لكن انا وربي نفسيتي تصير زفت حتى لو ما بينت لهم لكن وربي تعبت من هالوضع
وصارت تجي تتكلم وتفضفض لي وانا مو بيدي شي اسويه ولا اساعدها بشي
إلا تقدرين تسوين كل شي بس بعد ما أعلمك كيف لمحه عشان تفهمون شخصية الوالد معي ومع اخواني وعموما
هو باختصار سي السيد .. اوامره مجابه بدون مناقشه ولا رد .. صارم في التعامل معنا .. قلييييل الكلام جدا مع اني مثل ما قلت برا البيت يكون شخصيه مختلفه مليون بالمئه .. ماعمره جانا وقال لنا تكلموا عن نفسكم او شصار معكم بالمدرسه او غيرها .. عنده مجموعه من القوانين خط احمر مستحيل احد يتكلم فيها .. عنيد ويثبت على رايه .. تعامله جاف مع اخواني المراهقين خصوصا مع انه المفروض بهالفتره ياخذ بيدهم ويعلمهم ويرشدهم .. لكن ماشفت منه الا المزيد من الشده والجفاف وياخوفي اخواني يضيعون
اتوقع خذتوا فكره عن هالنوع من الشخصيات

دلووني على طريقة اقدر اتعامل فيها مع وضعي
طلبتك أبي رجل الرجال لا تضيعني