جدا اسفة لكن حاولت اعدل ردي ما امدى
======

شوفي غلاي

سالتك السؤالين انا لهدف: ابي احاول القى سبب مقنع لعنفك الي تعاملتي
به مع الموضوع وسبب لحقدك سنة كاملة !!!

للاسف مافي سبب قوي .. لا المسالة تخص الشرف عشان اعذرك
ولا ام زوجك خبيثة وسكتتي سكتتي جاملتي منا منا لين مانفجرتي ..
سبحان الله مع انك اخذتي حقك كامل وزيادة بعد .. لا زلتي حاقدة ..

سبب عنفك هو : بجواتك لاحظتي ان كرامتك قبل عمرها ما انهانت
ولا شموخك انكسر .. فتصورتي انها بالمستقبل ايضا ما راح تهان ابدا
لذلك تعاملتي مع الموضوع بعنف لانك ضمنتي وصدقتي انها فعلا ما راح تهان

ولكن .. !

الابتلاءات الي قدرها ربي عللى كل انسان والي راح تشوفينها بعدين
راح تكسر شموخك وكبريائك وتجعلك في اقصى لحظات ضعفك عشان بالاخير
يصير الله سبحانه وتعالى هو ملاذك الاخير والوحيد ..

لذلك ردة فعلك العنيفة ماراح تنقذ كرامتك للابد من اي اهانات .. عشان كذا
ماله داعي تعتمدينها طريقة لحل مشاكلك ..

كل هالحكي الي فوق عشان اقنعك فقط ان العنف ( الصراخ العالي والقروشة
الي سويتيها ووصل الموضوع للرجال + الحقد لمدة سنة والزن على
الموضوع كل ماجاببالك ) = ما راح ينفعك بشي وغلط تستمرين طول عمرك
تاخذين حقوقك بالعنف والصوت العالي ..

وانه يمديك تاخذين حقك بدون صراخ .. ويمديك تحرجينهم بدون اهانات
خليك حازمة وشديدة بس بدون صراخ كن الي قدامك اصغر عيالك ..

هذا شي .. الشي الثاني .. لو هالصراخ على اخت زوجك ممكن امشي
لكن الام !! صح الام ماهي ملاك .. لكن بالاخير تبقى - ام - وانتي تعرفين
معنى الامومة ومشكلة اذا ما لهالشي تقدير ولا معنى عندك ..
الام ابسط حقوقها سواء امك ولا ام زوجك .. انك تكونين حذرة جدا وحريصة جدا
ما تهينينها باي شكل خصوصا قدام الناس وانك تلتمسين لها الف مليون عذر
قبل تنفجرين بها .. انتي قلتي تضايقك بعض تصرفاتها = معناه عيوبها
تقدرين تتحملينها زيها زي اي انسان ثاني له عيوب .. معناه ماهي خبيثة ولا نذلة
جلست فترة طويلة مبهذلتك وانتي صابرة وبالاخير احرجتك قدامهم وهذا معناه
انها فعلا قاصدة تهينك وهنا اقدر اعذرك لو صرختي عليها ..

استغربت صراحة كيف امداك من موقف واحد جمعتي كمية عصبية
خلتك بالساهل تصرخين عليها وقدام سلفاتها بعد !!!!!!!!!!

ام زوجك صح ماتصرفت صحيح .. لكن هل انتي متاكدة انها قاصدة تهينك ؟
ما اتوقع تدرين ليش ؟ لان واضح من اجابتك على سؤالي انها ماهي خبيثة
لو هي خبيثة ولا نذلة ونقول تستاهل ما جاها .. كان امداك من زماااااااااان
شفتي تصرف حقير من جهتها .. لكن واضح انها على النية وان اساءت التصرف

ومع كذا اقول غلطت وغلطها يعطيك الحق تتخذين موقف صارم
لكن حسن نيتها ( وانها ما نوت تجرحك ) مايعطيك الحق ابد تصرخين عليها بهالشكل
كان يمديك تقولين : يا خالة ذي الامور ما تنحل قدام الناس كان يمديك
تاخذيني بمكان لحالنا وتتكلمين وثاني شي توقعت تتاكدين اول من الكلام الي وصلك
قبل تواجهيني فيه .. بس دامك فتحتي الموضوع قدامهم نادي بنتك الحين
اتفاهم معها وقدامهم ..

هذي العبارة تكفي عن مليون صرخة .. !

صح زوجك راضاك ودلعك تعويض عن غلطته .. لكن صدقيني
لو كنتي حكيمة اكثر وذوق اكثر بحل الاشكال هذا بدون همجية
كان حبك اضعااااااااااااف الاضعاف لاني اعرف الرجل يميل اكثر
للانثى الرقيقة اكثر من الهمجية .. الي تاخذ حقها بحزم وذوق اكثر
من الصوت العالي والهمجية ..

بالله هل جلستي لحالك وحاولتي تتخيلين شكلك كيف وانتي تصارخين عليهم
وكل واحد يحاول يهدي بك من جهة ؟ مشكلة اذا ماحسيتي شي غلط

عن نفسي ماني بقايلة لك احساسي مابي انرفزك زيادة

ادري الي صار صار لكن نتعلم منه .. مابيك تستمرين على انك
تاخذين حقوقك بطريقة همجية مع زوجك واهله ولا ابيك تضلين شايلة
حقد لمدة طويلة بقلبك خصوصا لمن تكونين اخذتي حقك ..

ومن مصلحتك تتعلمين هالشي عشان تكونين من احسن لاحسن ان شالله
وتكونين بعيون زوجك البنت القوية الي تاخذ حقها وهي بكامل انوثتها
بالعقل وبالمنطق وسرعة البديهة .. مو بالصوت العالي ..

الله ييسر لك امورك يا رب

__________________
شتان .. بين من تسيره مبادئه ، ومن تسيره مصالحه