منتدى عالم الأسرة والمجتمع - عرض مشاركة واحدة - سأحرق جميع اوراقي معك..وسأرحل فهذي هي النهاية(مستجدات # 30-142-144-146)

25-09-2011, 05:32 PM

لحظة ندم والم

عضو نشيط جدا

تاريخ التسجيل: Dec 2009

المشاركات: 484

اقتباس:

متابعة موضوعك بصمت .. الموضوع منتهي وما أظن أقدر افيدك بشي ...

اقتباس:

إذا سؤالك عن رجوعك له أو لأ فكيف ممكن ترجعي لشخص سقطت كل أسهمه عندك!! ..

ترجعي وتعيشي على الهامش عشان أولادك شيء خيالي وغير قابل للتطبيق ومجرد وجودك ببيته راح ينتج عنه مشاكل وضغط على نفسيتك .

إذا رجعتي لازم يكون عشان عندك أمل تصلحي حياتك معاه ... أو انه عندك استعداد تعيشي حياة الاستفزاز والنكد على طول العمر

من كم يوم وببالي كلمة مترددة أكتبها .. أخاف تزعلي وانتي بحال صعبة وتحت ضغوط ومو ناقصك

يمكن اللي أبغى أطلبه منك يكون مثالي وما يقدر عليه أغلب الناس لكني أشوفك انسانة مميزة وغير عن أغلب الناس وسؤالك عني شجعني أكتب

حبيبتي .. حاولي تذكري محاسن زوجك الى جانب مساوئه . لا تخلي الغضب يغلب عليك .. مو عشانه أبدا .. لكن أخاف تاخذي اثم فيه .. لا تكوني ممن يكفرن العشير وما يذكرن إلا سيئات أزواجهن ...

لا تفترضي من عندك تفسير لتصرفاته وتحاكميه بناءا على تفسيرك ...

لا تذكري كلمته أكرهك وتزوجتك غصب وتتجاهلي كلمته بعدها حبيتك وما أبغى أطلق ..

اكسبي ثواب الستر على عيوبه وإذا مضطرة تشرحي موقف صار بينكم حاولي تتخيلي وكأنه موجود معاكي لما تجاوبي على أي سؤال .. جاوبي من وجهة نظرك ومن وجهة نظره حتى تكوني منصفة .

وصلتوا لقرار طلاق وانتهى الأمر فحاولي يكون طلاق ناعم خالي من الأحقاد .. مهما كان يظل والد أولادك وكمان كم سنة راح يسألوكي .. ليش بابا مو معنا ؟؟؟ أكيد بتقولي لهم تركنا بعض لأننا ما تفاهمنا مثل كثير ناس ... بابا كويس ورجال ويحبكم لكن ما قدر يفهمني وانا ما قدرت أفهمه وكل شوي تصير مشاكل بيننا فتركنا بعض .

لا تتركي الدعاء ليل نهار يا أمل .. مافي مثل ربنا عادل وقادر .. فهمتي علي ؟؟ عادل وما يرضى الظلم لك وقادر يزوجك بأحسن الناس وقادر يسخر لك زوجك .. بس ادعي واطلبي منه

ربي ييسر لك الخير ويوفقك ...
سواء رجعتي أو تركتي فلا تنسي انك طلعتي بطفلين مثل العسل .. حبهم لك لا نهائي وغير مشروط .. أحلى من حب كل الناس

خالتي بيتنا

وادري اني بزعجك

برأيك تأيدين الرجوع زي اهلي؟

انا ارى انو صعب ارجع وحتى لو رجعت بأصلح الوضع بأمور سطحيه فقط... ((زي اطيعه او انظف واطبخ واغسل وما اسبه او يجي مني كلام يجرح زي اللي يسويه فيني ))

يعني الدلع والحب والحنان والأحضان والكلام المعسول والزينة اللي تخصه زي الانجريات وهالأشياء والتنازلات مافيه وحتى مسألة الجماع ممكن اكون صعبة فيها شوي لأني اتألم كل ما تكرت كلمته ((انا اجاملك ومحد قالك تصبرين علي وماصرفتك ببيت اهلك لأنك عند اهلك وخلي ابوك يصرفك))
يعني مستحيل ارجع اصافيه زي مان.....

وبرضو لأنه خدعني اقولك كيف

((في موقف كل ما اتذكرة اتألم مره كان عندي موعد للحمل بطفلي الأول وكان هو اللي بيوديني **مواعيد الحمل كان يوديني اما مواعيد الروماتزم لا!!!** المهم قال اختي الكبيره لها موعد وعندها عزومه غدا بنتغدا عندها ونروح للموعد وهي معنا وهي عازمتك ...انا رحت طبعا اتفاجئت ان ماعندها عزومه بس غداها العادي قلت يمكن يكذبون علي او هو يكذب او هي تكذب عليه..وعديت الموقف ولا نافشته فيه ...وتغدينا وراحت اخته معنا ...طبعا في اغراض لأمها تبي زوجي يوصلهم اذا رجعنا....ولما رجعنا رجعنا بالليل وكانت طول الطريق تقول خذ اغراض امي ولاتنام عند زوجتك وجماع الحامل مايصلح وتصر على هالشي ...وكنا مره بالحالنا قلت لزوجي اختك على طريقنا ننزلها بالاول وتنام عندي وبالصباح بتمر عليها وبتاخذ الأغراض خاصة انك تعبان الحين...هو قالها اجيلك بكرا الصباح وتقعد تزن عليه لين وافق ونزلني انا بالاول وراح ونزلها وخذ الأغراض ووداهم امه ....ودق علي وقال بجي ورجع..........الان اخته هذي اللي وداني لها عندها البنت اللي هو تزوجها تصير بنت اخو زوج اخته

.....ومن زمان كان يلمح عن البنات اللي يقربون لها بس ما كنت اعرف انه يقصدها او حتى انه حاط عينه عليها..اوحتى عندهم بنات ما اعرفهم..

الخدعة الثانية ولما جيت عنده ببيته غثني بزوجة اخوه فلانه ويتحداني على شانها

........وزوجة اخوه الثاني وبرضو يقارن طلع انه يبي اخت زوجة اخوه الثاني....

الخدعة الثالثة انه كان يخطط يتزوج قبل اجي عندهم ولما ارتفع راتبه وصار ضخم قدم على قرض وشهرين ونزل القرض وملك على طول

بعدين اشترى السيارة

....المشكلة انه كان ماخذ اوراق لي لمواعيدي بالمستشفى لدوامه مدري تساعده على القرض ولما خلص رجعهم لي

....

الخدعة نمبر فور

انه لما جيت عنده ببيته ثاني يوم تقريبا مدري الثالث جيت بظمه وبعدني قال مايصلح نكون هنا زي عند اهلك

........بعدها قال انا كنت اجاملك.......وبعدها بفترة قالي انا ما انكر اني كنت اجاملك وشخصيته تغيرت وصار اسوأ من اول الزواج........((هذا الأعتراف مسح كل ايجابياتها لأنه كان يضحك علي))

الخدعة الخامسه ووهي الأٌقدم قالي انا موافق سجلي بالجامعه بس انتساب وسجلت لكن الجامعة قبلتني انتظام بحكم نسبتي العاليه هو زعل وقلت وغاب 3 ايام وقال انا ارفض الانتساب والانتظام ودراسة مافيه وقلت طلقني والا خلني ادرس قال لا قلت بنتحر اجل

وقال انتي مجنونه وبطلقك وبعدها ومحاولات وتنازل عن الدراسة وافق الاخ نبقى مع بعض بعد ما نشر اني مجنونه بنتحر كان لنا 6 اشهر وقتها((مع اني قلتها كذا بخوفه وهالكلمم منتشره عندنا معشر البنات...))

الخدعة السادسة

لما جاء بيدخل الدورة كان يعيد علي انه بيتصل علي ولازم افتح الجوال واذا سمعت صوتخ ارد عليه ...وكان يعيد هالموضوع علي كثيييييييييييييييير ومصر انه اول مايمسك جوال بيتصل علي ((انا صدقت

))ولما راح جتني ارقام غريبه كثييييييييييره وانا افتح واشوف صوته والا لا

..ولما رجع طلع مكلم امه وابوه واهله ...وانا يقولي بسخرية انتي لازم رسالة تبين رسالة انتي

...ولما رجع من الدوره كان واضح انه ما اشتاق ولا شي راجع زعلان....

خالتي بيتا بالنسبة لمشاعري تجاهه الان لا اشعر تجاه لا بشوق ولا حب ولا حت حنين بس الألم والندم على كل شي سويته له وكل لحظة اسعدته فيها وكل تنازل قدمته له.....

وقراري طبعا انهاء زواجي منه والعيش براحه وسعادة بعيد عنه لأنه ينغص علي حياتي....وفتح حياة جديدة بعيدة عنه....رغم ان اهلي على العكس تاما يبون يرجعوني

[/glint]

التعديل الأخير تم بواسطة ذكريات لاتغيب ; 25-09-2011 الساعة 08:04 PM