لا اعلم لماذا عندما اقرأ ردودك الاخيره تخنقني العبره واشعر اني بحاجه للبكاء وربما تساقطت كم دمعه مع قليل من الخوف
-بعد ما قرأت ردك الاخير كانت بنتي نايمه وقمت وفتحت التلفزيون ع قناة المجد للقران وكملت شغلي شوي ابوها جاء وغير ع الاخبار ومع اذان العصرقامت البنت ومبلله نفسها وعيونها مليانه دموع وتصرخ قلت وش فيك تقول انتِِ متي جوا ناس كثير في بيت خاله حزنتني مو عارفه شسويلها قلتلها انتِ ماقلتي بسم الله قبل لا تنامين...لاني قبل كم يوم قلتلها نامي قلت ما ابغى اخاف يجيني الحلم قلتلها قولي بسم الله ومايجيك ولما صحيت قالت ماما صح كلامك قلت بسم الله وماجاني نوم وفي نفس اليوم اخوها صحي يصرخ وقالت هو ماقال بسم الله وقالتله قول بسم الله...(انا بالفتره اللي راحت صرت احرص كثير انها ماتنام الا محصنتهاوقبل لاتروح للروضه كمان احصنها)
-بعد العصر قمت ورتبت المطبخ وشغلت شريط الرقيه ((اول ماشغلته حسيت بحزن كبير وبكيت شوي بس حاولت اشغل نفسي بالشغل وما استرسل بشعوري واتذكرت اني نفس الشي قبل رمضان لما داوت ع البقره وشريط الرقيه اني مره فجأه بكيت بدون سبب كنت صاحيه من النوم وداخله المطبخ وفجأه حسيت بحزن وضيق وبكيت شوي وبعدين خفت زوجي يجي يشوفني ويتريق كالعاده ع دموعي فحاولت اتمالك نفسي)) وغريبه ماصار مثل دايما يسكت المسجل من نفسه كان عادي وكملت ترتيب البيت غرفتي وغرفة بنتي وبخرت البيت بس احس الألم اللي بأكتافي يزيد صاركتفي الشمال واليمين واحيانا نغزات وتآآكل بظهري وكان شوية الم ببطني يمكن ربع ساعه والحمد لله راح بس كتفي وظهري احس الألم لسا ومن امس احس حلقي فيه نفس الألم اللي احس فيه لما اصحى من النوم بعد مايخنقني ....اما عيني اليمين (انا في المشاركه اللي قبل كتبت الشمال وهي اليمين)مازال فيها الم وخاصه بالعلاقه مع زوجي ولما اصحى من النوم وببداية النوم قبل لا ادخل بالنوم العميق
-انا عندي مواهب كثيره ماشاء الله ومن ضمنها احب شي اسمه تجميل وكنت افكر افتح مشغل بس فكرت ابدا ع خفيف في بيتي واخذت قرض وسويت غرفه بالبيت ع اساس ابدا واشتريت الاغراض بس ما اشتغلت احس بكسل ولما افكربالالم اللي بكتفي يزيداقول كيف راح اشتغل كثيروما احس صار عندي حماس مثل اول دائما ابدا بالفكره بس لما اجي اطبق احط كذا عذر وانا متأكده انها عذار مالها داعي بس مو عارفه ليه ماعندي عزم وحزم للموضوع ياما اشتريت من الاغراض وبعضها تطول وينتهي تاريخهاوهي باقيه بالادراج -بالموضوع اللي صارلي تقريبا قبل سنتين لما الحرمه قالتلي اتغير جسمك وبعدها تعبت واخذت من مويتها بعدها بفتره بسيطه يمكن اسبوعين تعبت جاني الم ببطني مره قالولي زايده ومره قالوا التهاب واخر شي طلع قولون ومازلت اعاني منه من فتره لفتره
-قبل اربع سنوات حضرت مناسبه عند ناس مو من جماعتنا كانوا اغرب عنا شوي وكنت ع قولة وحده ملفته وبعد المناسبه بأقل من اسبوع جات حكه برجلي وصرت ما ارتاح الا لما احكها وصارت بقعه كبيره ودايما يطلع منها دم من كثر الحك وايام تجي لونها زهري وكأن مكبوب علي مويه حاره راجعت بالمستشفى قالوا حساسيه واعطوني مراهم مافاد وجبت سدر وحطيته بمويه وقرأ عليه زوجي وجلست اسبوع كامل احط منه واقرا بنفس الوقت والحمد لله راح وباقي الحكه تجي من فتره لفتره بس الحمد لله مافيه اثرالا بسيط جدا ويمكن معدوم
-بالعيدحطيت مكياج كان حلو ماشاء الله اليوم الثاني صحيت من النوم عيوني مو قادره افتحها وكان يوم جمعه مافيه مستوصفات واحس الم فيها مو طبيعي جلست من 8 تقريبا الى 12 الظهر كل ما افتح احس بنار فيهاوالم وبس تدمع حطيت عليها مويه بارده..شاهي دافي مافادوجلست اقرا عليها والحمد لله راح الألم ولا عاد رجع بس هالكلام من زمان وكذا مره وحده تقولي مره بالعيد حطيتي مكياج اتحدينا انا ووحده انك رحتي لكوفيراوكثير قالولي حلو
احس من كثر الاشياء اللي صارت كثير اخاف واحيانا اخواتي يقولون انتِ فيك طيره صح بمزحه بس احيانا اقول شكلهم يقصدونها بس لاني كل ما احد مدح شي اقولهم قولي ماشاء الله
-بالنسبه للمشاكل كثير تصير بس الحمد لله تنحل..مو عارفه ليه لما اقرا سورة البقره احس مشحونه كثير عليه خاصه بآآخر مشكله كان يجي من صلاة الفجر وانا اكون اقرا سورة البقره اقفل القران واروح وراه ع غرفة النوم وبس نقاش يتحول لمشكله كبيره لدرجه مره رميت جواله بالجدار وكسرت الابجوره من القهروحتى بهالفتره احس اني مو متطمنه للموضوع اللي صارت المشكله بسببه وهي قريبته اللي كان يكلمها علشان شغل واتطور الموضوع لتحويل مبالغ ماليه وفكرة زواج بينهم وربي يسترها بس
-احس اتكلمت كثيروانا عارفه انك مشغول بس اتذكرت هالمواضيع وقلت يمكن تفيد بشي ويمكن صار الموضوع فضفضه وطرح لشي انا افكر فيه انه ممكن تكون هالأحلام معناته عين تتجدد لاني احس مو متخيله انه يكون فيه شي اكبر من كذا(كلمة متبوعين قصدك سحر؟؟ممكن توضحلي هالنقطه))
_بالنسبه للألعاب لازم اشيلها برى البيت نهائي؟؟لاني عندي غرفة المشغل افكر احطها فيها...وبالنسبه للصور صورزواجي عند بيت اهلي وكنت افكر اجيبها بس بحطها بالدولاب ما ادري عادي ولا لازم ماتكون اصلا فيه صور بالبيت
-من ضمن الاحلام واللي اظن هو اول حلم جاء ع هيئة زوجي..اني كنت اشغل شريط فيه سورة البقره وزوجي يعاندني اني ما اشغله وكل ما احط الشريط بالمسجل يطلعه ويخرب الشريط يحاول يفله وانا احاول امنعه واول ماصحيت من النوم كنت خايفه ومفزوعه ودقايق الا يجي زوجي وبنفس الشكل لابس ثوب وكأنه هو الجني اللي شفته وجلست كم يوم افكر بالحلم وارسلت ع الشيخ قالي اضغاث احلام وبعدها بكم يوم شفلت نفس الشريط اللي شفته كان اسود وكتوب بالاخضر سورة البقره وكان المسجل بنفس الوضعيه ع طرف التسريحه وشوي من تشغيله الا خرب الشريط وانفل وارجع اسويه واحطه وبرضه خرب وكنت بهالفتره صح اشغل الشريط هذا كثير بغرفة النوم