المشاركة الأصلية كتبت بواسطة بنت الحكمي

حياك الله أختي نور الإيمان وجعل مسائك وصباحك وكل حياتك نور في نور يارب وأشكر لك إهتمامك بموضوعي إللي دخل في موضوعك بالعرض

مرحبا بيك يا غالية وكل ما ارجوه ان استطيع تقديم يد العون بجد واقدر اساهم ولو بأقل القليل في مساعدتك يشهد الله اني اساعد اختي وهمك همي ومشكلتك فوق راسي وماراح انساك من الدعاء حتى يفرجها الله وما مساعدتي لك الا واجب لاخت عزيزة وغالية في ضيقة وان شاء الله ما يكون بعد الضيق الا الفرج يا غالية ويشهد الله اني اكون في اسعد لحظاتي وانا اقدم المساعدة لاي شخص واكون اسعد لو قدمت حلول واستفاد منها واتمنى ان اقدر افيدك يا غالية

وأنا أعتذر منك يانور إذا كنت ثقلت عليك وفتحت لك شغله معاي هنا في مشكلة أولادي أخاف إني أحرجتك معي وقسم الإستشارة هناك يكونوا بحاجتك وأنا أخذت من وقتك وجهدك الكثير فأرجوا منك السموحة وأنا غصب عني طرحت مابخاطري لأني كنت فعلا بحاجة لرأي سديد علشان أستنير به في هاذي المشكلة ولأني بحاجة لحلول لهاذا الوضع

ارجوك لا تقولي هالكلام مرة تانية لو كنتي تخافي على زعلي اياك تعتذري انا اللي اعتذر لو ما قدرت اساعدك واقدم حلول تستفيدي منها وتتخلصي من المشكلة وكوني احدى عضوات الهيئة الاستشارية لا يعني ان مكاني بس بالقسم الخاص انما في اي قسم يحتاجني فيه اي عضو ومين اغلى من ام سلطان لما تطلبني ما يغلى عليك وقتي يارب يقدرني واساعدك بجد

وأنا كمان نفسيتي تعبت من التفكير في مشاكلهم الحين أنا في البيت أمسك كل واحد من الإثنين على حده وأجلس أمدحه أول شئ وأثني عليه وعلى أخلاقه وبعدين أناقشه وأفهمه إنه هو العاقل والحليم والرجال البطل وإنه يحب إخوانه ومايرضى في أي أحد منهم تمسه حتى الشوكة وأجلس أشرح له كيف الإخوة في الإسلام والمحبه بين الإخوان والترابط والتكاتف والتراحم وإن إخوانك هما بحاجتك وأنت بحاجتهم فلازم إنك تعاملهم بالحسنى طبعا بدون ما أخصص أحد بعينه من إخوانه

ماشاء الله عليك يا ام سلطان انتِ ام مثالية وانتِ عارفة المشكلة وين مو في سلطان او في منصور المشكلة في طريقة ابو سلطان الله يهديه مثل ما انتي عارفة ياريت يتعلم منك كيف يتعامل مع سلطان ومنصور كان اختفت كل مشاكل الاولاد
حلولك جميلة وجربي انك تقترحي عليهم طريقة الحل .. يعني قولي لهم برأيكم شو المفروض يصير الان بينكم اقترحوا الحل او العقاب وخليهم يفكروا بنفسهم احسن ما يكون منك ....

لاحظت ان ابو سلطان يستجيب في كثير اشياء لاقتراحاتك وهذا شئ ايجابي واعتذر لو كنت قاسية في ردودي السابقة في حق ابو سلطان لاني الان فقط شفت ردك هذا بعد اعتماد ردي بس الافضل ما يصرف الاولاد ويقول روحوا لامكم فكده اللي هيصل لهم ان والدهم متسامح وامهم الشريرة صاحبة العقاب وهذا كثير نشوفه في الاولاد لما يكبروا يقولو بابا طيب وماما متشددة وهنا لابد من الاتفاق على طريقة تربية واحدة بدون ما يرمي احد الحمل على التاني .

ايضا لازم منصور ما يوسط ابوه او انتِ ويجعلكم وسطاء بينه وبين اخوانه فهذا يخلق حاجز ولازم يتعود يطلب اي شي من اخوانه منه لهم على طول ويكونوا هم متقبلين وجاهزين يعني لازم يكون في اتفاق على كده امام الاولاد كلهم انهم يطلبو من بعض اي شئ يخصهم والطرف الاخر يوافق واللي يطلب يحافظ على هذا الشي اللي طلبه بدون تدخلكم انتم الكبار. يعني يكون في تعليم للأولاد عن بدائل تدخلكم قبل الرفض اعطوهم الطريق وخلوهم يمشوا فيه . لكن بشكل عام الامور جدا ممتازة من ناحية تعاملكم في موضوع الالعاب ماشاء الله .

بالنسبة لأبو سلطان انه يحب يستمع اكثر من القراءة او المشاهدة فهنا ممكن استغلال اشرطة تهتم بالتربية او التعامل مع الطفل المريض بين اخاونه لو استحال الاقناع بالحوار وكما ذكرت انتي ادرى بلأسلوب اللي يأثر في ابوسلطان مو شرط اللي ذكرته ابداً

حبيبتي ام سلطان ابدا ما نلوم على ابوسلطان الله يكون في عونه ويعافيه مافي بعد الابن المريض ربي يفرحكم بشفاءه هو واخته وهو اب وانسان والعاطفة لابد تاخده بس نطلب الموازنة وخاصة امام باقي الاولاد وتقدري تضعي مرض ابو سلطان في منع الاولاد من انهم يشكوا عراكهم وخصامهم لابوهم لانه تعبان واحيانا يكون بحاجة لراحة او هدوء فبيت الانسان هو المكان الوحيد اللي يجد فيه راحته فلو فقد الهدوء والراحة فيه فوين يجدهم .. لابد من برهم بوالدهم انهم يحاولو ما يتمشكلو مع بعض في وجودوا وينشغلو باشياء ثانية وهذا سنتطرق له في الرد القادم ان شاء الله

حبيبتي ام سلطان اعتقد انك في وقت كتابتك المشكلة كنتي تحت تأثير المشكلة اللحظي يعني كان في خصام بين سلطان ومنصور او ابوهم فكتبتي وانتي معصبة وخايفة وقلقانة لان ردك هذا لمست فيه اختلاف جذري عن اول ما كتبتي المشكلة . ردك هذا في توازن نفسي فيه ذكر للايجابيات من الكل بشكل مركز وبصراحة ماني شايفة الوضع المقلق اللي تصوره نفسك فما يحدث شئ عادي جدا يحدث في كل بيت ومسألة غيرة سلطان من منصور لها حل وبسيطة بإذن الله لان ردي اتى وفق طرحك للمشكلة وشعرت ان ابوسلطان رافض الاقتناع ودائما منصور معاه كما ذكرتي الا في الشغل ولكني ارى الان وضع اخر .. هذا ما يعني اني استخف بمشاعرك او احساسك بالوضع ابدا يعلم الله اني حبيت اطمنك وابعد القلق والخوف من المستقبل ياغالية وانتي مكبرة الموضوع اكثر من ابعاده الحقيقة وحتى ردي اتى مبالغ به بعد ردك هذا لان الوضع مطمئن وغيرة سلطان وقتية وان شاء الله يصير احن من ابوه على منصور بشوية خطوات وتنحل فما تخافي ياغالية واطمني فطالما ابو سلطان عارف ان بعض تصرفاته غلط فوين المشكلة لاتخافي يا ام سلطان اسرتك بخير وانتم كلكم على قلب واحد ان شاء الله وما في الا العافية بإذن الله

وسلطان يحتاج شوي خطوات وتنحل بإذن الله ما تخافي ابداً

وتقبلي تحياتي وشكري وإمتناني لكي أختي الفاضلة .