السلام عليكم ورحمة الله وبركاته :
شحالك بابا اتمنى تكون بصحه وعافيه
انا قطعت ما صرت أدخل لظروف صارت لي , انزين بخبرك شو صار وياي :
أنا سكنت في بيت عمي , تصدق يا بابا في البدايه كنت مب متقبله واحس اني متضايقه وزعلانه ولا لي خاطر حتى أسولف ويا أحد حتى خالد كان يدخل ويطلع وانا ساكته على قولته في النهايه بتتعبين انتي وانا عاد يوم أسمع يقولي جي أقعد أصيح لغاية ما جاء أبوي وقرر يجلس وياي يومين تعرف يا بابا حسيت نفسيتي تغيرت مادري ليش كان ينزلني وياه تحت عند عمي وخالتي وكان ياكل وياي ويسولف وياي حسيت أني أرتحت , فعقب ما راح صار عادي عندي انزل بروحي عند عمي وأسولف وياه من غير خوف حتى كنت مستانسه بهذا الشي.
تعرف يا بابا حتى أبوي مستانس يقولي تغيرتي يا لجونه إلا خالد ماد البوز يعني بدال ما يشكرني اني رضيت وسكنت ويا اهله لا زعلان هو يقول شو استفدت انتي ما تغيرتي بس أقول بيني وبين نفسي خليه لازم بيتعود , اخر شي قبل أسبوع تخيل يا بابا كان يصارخ ويحلف أنه راح ياخذ وحده ثانيه المشكله يحسبني بزعل عادي قتله روووح وانا بروح بيت أبوي وانتهت المشكله أحسه صار عصبي , ساعات أقول بعلمه على سالفة ولد عمي وبريح راسي من مشاكله صح يا بابا.
اخر شي عارفه أني ثقلت عليك وامي قولي كيف أشوفها خلالاص مليت أبغا أشوفها حتى يوم يجون خوات خالد اخر الاسبوع وأشوفهم جالسين ويا امهم ومستانسين أحس اني بموت من القهر واجلس في حجرتي وأصيح أو اتخيل أني جالسه وياها واسولف وياها عن أشياء كثيره خلاص يا بابا أبغ أشوفها .
وشكراً أدري أني تعبت بس والله أرتاح يوم أسولف وياك .
التعديل الأخير تم بواسطة om abdlah ; 02-10-2011 الساعة 08:37 AM