المشاركة الأصلية كتبت بواسطة لجين الحزينه
السلام عليكم ورحمة الله وبركاته :
وعليكم السلام ورحمة الله وبركاته شحالك بابا اتمنى تكون بصحه وعافيه
بخير عساكم بخير انا قطعت ما صرت أدخل لظروف صارت لي , انزين بخبرك شو صار وياي :
عارفها أنا سكنت في بيت عمي , تصدق يا بابا في البدايه كنت مب متقبله واحس اني متضايقه وزعلانه ولا لي خاطر حتى أسولف ويا أحد حتى خالد كان يدخل ويطلع وانا ساكته على قولته في النهايه بتتعبين انتي وانا عاد يوم أسمع يقولي جي أقعد أصيح لغاية ما جاء أبوي وقرر يجلس وياي يومين تعرف يا بابا حسيت نفسيتي تغيرت مادري ليش كان ينزلني وياه تحت عند عمي وخالتي وكان ياكل وياي ويسولف وياي حسيت أني أرتحت , فعقب ما راح صار عادي عندي انزل بروحي عند عمي وأسولف وياه من غير خوف حتى كنت مستانسه بهذا الشي.
ما حصل لك هو أن الطفلة بداخلك استيقضت لما ابتعدتي عن والدك ولما حضرت ذهب الضيق وتجرأت يعني كبرت الطفلة يا لجين زي ما قالوا لك.تعرف يا بابا حتى أبوي مستانس يقولي تغيرتي يا لجونه إلا خالد ماد البوز يعني بدال ما يشكرني اني رضيت وسكنت ويا اهله لا زعلان هو يقول شو استفدت انتي ما تغيرتي بس أقول بيني وبين نفسي خليه لازم بيتعود , اخر شي قبل أسبوع تخيل يا بابا كان يصارخ ويحلف أنه راح ياخذ وحده ثانيه المشكله يحسبني بزعل عادي قتله روووح وانا بروح بيت أبوي وانتهت المشكله أحسه صار عصبي , ساعات أقول بعلمه على سالفة ولد عمي وبريح راسي من مشاكله صح يا بابا.
بعد فترة بسيطة راح تجيك أخبار حلوة مرره فلا تستعجلي وانتظري شوي بس.
اخر شي عارفه أني ثقلت عليك وامي قولي كيف أشوفها خلالاص مليت أبغا أشوفها حتى يوم يجون خوات خالد اخر الاسبوع وأشوفهم جالسين ويا امهم ومستانسين أحس اني بموت من القهر واجلس في حجرتي وأصيح أو اتخيل أني جالسه وياها واسولف وياها عن أشياء كثيره خلاص يا بابا أبغ أشوفها .
لا تستعجلين الأمور بإذن الله موضوعك راح يتعدل بس هدي شوي وخليك بالاول مع خالد وأهله إلين تحسين أنك كبرتي نفسيا وتروح منك الضيقات
وهدي الكلام مع خالد لا تقابلين الصراخ باصراخ والزعل بالزعل لا تخلين إبليس الملعون ينام بينكم أنتم زوجين مو عدوين.وشكراً أدري أني تعبت بس والله أرتاح يوم أسولف وياك .
|