اقتباس:
المشاركة الأصلية كتبت بواسطة نــور الإيـمـان
أم سلطان ربي يسعدك مثل ما اسعدتيني بالتطور اللي صار يشهد الله علي انهم اولاد اختي واني شلت همك وفكرت فيك وفي الحمل اللي عليك وعلى اخوي ابو سلطان وقلت اللي عندي من قلبي وانا اسأل الله اني اقدر اقدم اي خطوة للأفضل تنفع الاولاد وتحسن ولو جزء بسيط من الوضع .. والحمدلله حمدا كثيرا طيبا مباركا فيه
%الله يحفظك يانور ويسعدك في حياتك ويشهد الله إنك أخت عزيزة وغالية على نفسي وجميلك هاذا على راسي من فوق وكل كلامك إللي قلتيه هنا طمني وريح بالي الله يسعدك يارب ويخليك لأمك وأهلك %
طبعا الوضع للان ممتاز والحمدلله والفضل من بعد الله سبحانه وتعالى لاخوي ابو سلطان ربي يبارك في عمره وعمله ويرزقه الرزق الحلال ويبارك بأولاده ويشوفهم احسن الناس لانه انسان متفهم وعقله منفتح وواعي ويتقبل الاراء برحابة صدر ماشاء الله لاقوة الا بالله واللي مثله ما ينخاف عللى ذريته ابدا قال تعالى { وكان ابوهما صالحا } ولذلك ربي هيحفظهم بصلاح والدهم بإذن الله
%الله يجزاك خير على دعواتك الصادقه وكتب الله أجرها في ميزان حسناتك ورفع الله قدرك في الدنيا والآخرة وأخوك أبو سلطان يشكرك على كل شئ تفضلتي فيه في توجيهنا ونصحنا لطريق الصحيح وقال أنا كنت غافل عن نقاط كثيرة ومن طريقة كلام الإستشارية أنتبهت للخطأ إللي كنت أنا واقع فيه وبإذن الله إني أحاول إصلاح كل شئ بكل تفاهم ومحبه ومودة بين أولادي وماراح أفرق بينهم في معاملتي حتى ماتتأثر نفسياتهم وأنا ذكرته بقصة سيدنا يوسف عليه السلام وكيف
إخوته كانوا يغاروا من محبة أبوهم لأخيهم يوسف وكادوا له كيدا ورموه في البئر ليتخلصوا منه لأجل أن يخلى لهم وجه أبيهم وفهمته إن منصور إذا كان إللي يعاديه الحين شخص واحد من إخوانه بكرة راح يكرهونه كل إخوانه وأخواته ويحقدوا عليه لأنه كان عندك الإبن المدلل والمحبوب وطلباته عندك أوامر ومنصور نفسيته راح تتأثر وتتعب ويصير مو عارف وش أساب كره إخوانه له بهاذي الطريقة وراح يتعقد نفسيا وحينها لا أنا ولا أنت راح نفيده بشئ %
حبيت بس أسأل لان لي رجعة ان شاء الله لاني اكتب على عجل هل سلطان بدأ ياكل اظافره او يقضمهم على جديد ولا هذا طبعه من وهو صغير ؟ وهل في العائلة اي احد مثله واخص انتِ او الاب او احد الاعمام او الاخوال او الاقارب اللي كان يختلط بيهم من وهو صغير والا هذه العادة برزت مؤخراً ؟
%خذي راحتك بالسؤال وأنا حاضرة وبجاوبك بكل صراحة شوفي ياقلبي سلطان الحين ترك قضم الأظافر وأنا سألته ليش تقضم أظافرك قال لو جلست أفكر أو أسر ح في شئ معين أنسى نفسي وأقضم أظافري من غير قصد مني وأنا عارف إنها عادة سيئة وأحاول أتركها بس أ كثر الأوقات أنسى بالنسبه للحالة هاذي أبتدت معاه تقريبا من الصف الرابع إبتدائي وأبتدت تخف من الصف أول متوسط وبعض الأوقات ينساها نهائيا بس وقت ماينشغل فكره بشئ معين يبتدي بقرض أظافره ويستمر إذا أنا أو أبوه مانبهنى عليه
بالنسبه للوراثة أنا أو أبوه لا هاذي العادة ليست موجودة عند أبوه وليست موجودة عندي و أنا ما أحبها ولا أطيقها ولاكن عندي أخ عمره الحين تقريبا 45 سنة متزو ج وعنده عيال وهاذي العادة فيه يقرض أظافرة حتى ينهيها يقرضها قرض بأسنانه لحد الآن وهاذا طبعه وبعض الأحيان أقول في نفسي يمكن علشان كنت أتقزز من طريقة أخوي وأسلوبه بدون ما أنصحه ربي إبتلاني في سلطان وطلع عنده نفس عادة خاله بس أخف شويه
مو مثل خاله حسيت أخوي يقرض أظافره بكثرة وفي كل وقت سلطان الحمدالله مع متابعتي له ومراقبتي إختفت تقريبا هاذي العادة من عنده
والحين تقريبا له فترة أرقب أظافره ألاقيها طالت وأقصها له بالمقراض وحتى هو يجي بعض الأوقات يعرض أصابعه قدامي ويقول شوفي يا أمي أنا تركت هاذي العادة حتى شوفي أظافري باقي طويلة وفعلا آلاقيها طويلة وأقصها له %
الشي الثاني لاحظتي كيف ان سلطان صار يقول خلو المقعد الامامي لمنصور ؟؟؟ هذا يدل قد ايش هما يحبو بعض ويرحموا بعض ماشاء الله ربي يحفظهم مثل ما اكدتي هالشي هذا وقت مرض منصور ربي يشفيه وكيف كان سلطان يخاف عليه ويتأثر.. هو بس يبي يشوف تقدريكم واحترامكم لشخصيته ومكانته واحساسكم برجولته مثل ما تعبروا وتصرحوا فلما { اطمئن } ان قدره محفوظ ومعروف عندكم فما عاد يفرق معاه المقعد الامامي من الخلفي المهم عنده ان مكانته مثل ما هي ما اثر عليها ولا اخدها منه منصور ربي يحفظه يعني القصة يبغالها دفعة بسيطة منكم انتم الكبار هتلاقوا الصغار مثل العسل مع بعض وترتاحوا من دوشتهم وصراخهم
%الحمدالله رب العالمين سلطان مافيه مثل طيبة قلبه ودائما يقدم تنازلات لإخوانه سوى منصور أو غيره إذا جينا له بالطيب والكلام اللين والزين ماتشوف منه إلا إللي يسر خاطرك لاكن لو الوضع فيه عناد ونفخة ريش يكابر ومستحيل يتنازل عن حقه لأي أحد من إخوانو وكمان منصور قلبه طيب ويتنازل بعض الأوقات لسلطان و لأخوانه بطيبة خاطر بس الحين أبو سلطان وزع بينهم مراتب السيارة وكل واحد حدد له مكان خاص يجلس فيه ومايتعدى على مكان أخوه إللي جنبه
وأبو سلطان لاحظ الفرق والهدوء الذي ساد المنزل هاذي الأيام وحتى منصور كل مايبغى يطلع مع أبوه يطلب منه أبوه الجلوس في البيت مع إخوانه ويزعل منصور شوي بعدين يرضى بالأمر الواقع ويسكت ومشاكله خفت كثير عن قبل %
المهم الان غاليتي ام سلطان انا اكتب على عجل لان في اشياء طبيعية واشياء تحتاج لانتباه وهذا بداتم فيه ونتائجه طيبة ومفرحة ولله الحمد
لي رجعة ان شاء الله وما تنسي السؤال يا غالية
استودعكم الله
|
في حفظ الله ورعايته أختي نور الإيمان وجزاك الله خير على إعطانا من وقتك الثمين في هاذا لموضو ع وبإذن الله ماراح أنساك من دعواتي في ظهر الغيب أيتها الأخت الفاضلة
بارك الله فيك وفي أعمالك الصالحة التي تقديمها هنا لإخوانك وأخواتك الأعضاء في المنتدى وأنا في إنتظارك وأي شئ تطلبيه أو تسألي عنه أنا في خدمتك بإذن الله تعالى .