يااااه زعلانه على اللي فات ... حبيبتي اللي فات مات وابدائي صفحة جديدة ..
عيشي حياتك من جديد ..
ليش تعيشين في الماضي ... بالعكس الحين سوي شهر عسل من أول وجديد بيكون أحلى
لأن في الأول كان فيه شوية احراج من الطرفين لكن ألحين طاح الحطب صرتوا تمونون على بعض
فهذي حلاتها ..كل اللي نفسك فيه سويه ... لكن خليك ذكيه وفري شوية من هنا ومن هنا لين يصير فيه مبلغ تقدرون تسافرون بيه ...
حبيبتي تذكري إنك في نعمة... ونعم الله عليك لاتعد ولاتحصى ...
غاليتي أكبر نعمه نعيش فيها هي نعمة أن من الله علينا بالاسلام ثم نعمة الأمان ...
والنعمة التي انحرم منها الكثير نعمة العاااااااااااافية إنك بكامل قوتك وصحتك ... تنامين وإنتي مرتاحة ... بنتك بعافيتها .. غيرك يتمنى إنه صحيح معافى ..... وإنه عايش في خيمة ...
تذكري لو لاقدر الله إن بنتك تعاني من مرض ما ماذا سيكون حالك ...
كنت مثلك أتمنى وأتمنى ... ورزقني ربي ببنت وبعد سنتين جاها لوكيمياء في الدم ..
وجلست ثلاث سنوات تعاني ثم توفاها الله ...
اقسم بالله لما كانت تأخذ جرعات الكيماوي ... كنت اتمنى إنه فيني ولا فيها ...
كنت اتمنى تنشق الارض وتبلعني ولا أشوفها تترجاني وتبكي عشان ماأتركها وهي بين يدي الاطباء لما يصير موعد إبرة الظهر ..
أشياء كثيرة تمر ع الانسان يتمنى إنها تحصله لكن ماكل مايتمناه المرء يدركه..
تذكري غاليتي إنها دار ممر ... ولو كان بيبقى فيها أحد كان بقي فيها خير خلق الله محمد صلى الله عليه وسلم..
عزيزتي توكلي على الله وانفضي عنك غبار الماضي .. والافكار السيئة التي تراودك ... وعيشي حياتك ..
تدرين غيرك تتمنى تلاقي ربع رجال ... يعني معدد بس الله ماكتب ..
وغيرك متزوجه لكن عايشه في هم ونكد بسبب زوج يجيها سكران وإلا راعي مخدرات .. وإلا راعي حرام ...وإلاقاعد يخونها..
عيشي حياتك لاتنكدين على نفسك .. وعلى زوجك .. وعلى بنتك ... استمتعي في خدمتهم..
بقلك على شيء اتمنى تسوينه كل يوم وبإذن الله راح تشوفين تغير في حياتك وترى اقوله وعن تجربه..
اصحي الساعة ثلاث ونص الفجر وصلي اللي تقدرين عليه من الركعات وبعدين أوتري بركعة ... ثم استغفري لين يأذن الفجر.. وبعدين صلي وأقرئي جزء من القرآن بعدين الأذكار اليوميه .. ثم سوي فطور زوجك وإذا راح لدوامه ودعيه وبعدين ... استغفري مائة مرة وقولي سبحان الله وبحمده سبحان الله العظيم مائة مرة .. ولاإله إلا الله وحده لاشريك له مائة مرة .. ولاحول ولاقوة إلا بالله مائة مرة ..
وبإذن الله راح تشوفين العجب من تيسير أمورك ... وراح تندمين على كل لحظة ضيعتيها وإنت عايشه على ذكرى الماضي..
أتمنى لك التوفيق