السلام عليكم ورحمة الله وبركاته
جزيت خيراً أخي المستشار على ما تقدمه
معاك خالد زوج لجين
أخي المستشار حاولت أني أشارك باسم لجين ولكن الله لا يوريك شو سوت بمجرد أني صارحتها بعلمي بمشاركتها بالمنتدى وانني على علم وسعيييييييييييييييييييييييد لهذا التغيير اللي حدث لها وطول فترة المصارحه وانا هادي يعلم الله باقي شوي اترجاها عشان تشارك وياي بس الله يسامحها ما قصرت زعلت وسوتها جريمه بحقها حولت الموضوع إلى أني مراقبها وأتدخل بخصوصيتها ( حسستني يا خوي كأني واحد من الشارع مب زوجها ) جلست ساعتين وأنا أتفاهم وياها وهاااااادي ولا شي لساني نشف من كثر الكلام وهي ساااكته والدموع اشتغلت وبيني وبين نفسي ( شو اللي بلاني بهذه السالفه ) الله يسامح اللي شجعني .
أنا انهيت المحاضره من هنا الا وهي ماسكه اللاب توب مالها وحذفته على الارض على قولتها عشان ترتاح , انا يوم شفت السالفه تطورت لتكسير ووممكن يوصلي شي مسكت نفسي وقتلها الله يسامج على العذاب هذا اللي معيشتني فيه وطلعت .
من البارحه وهي قافله البباب الحجره على نفسها بتجنني لا كلت ولا طلعت منها فكرت اتصل على أخوها يجي يشوف لي صرفه معاها بعدين قلت لا والله لا أخليه وتعرف ان الله حق .
لا بعد أزيدك من شعر بيت طول الظرابه وهي تقول ليش تتدخل بيني وبين بابا وأنا مثل الأطرش بالزفه سالتها منو جاب سيرت أبوج ( قصدي عمي ) شككتني بنفسي لا طلعت المدام تقصدك , بيني وبين نفسي قلت
الله وأكبر عليج أنا لي سنه وياج مب عارف شلون أتفاهم والا أرضيج , والمستشار رجل الرجال صار مثل أبوج ولا أدخل بينكم بلعتها وسكت ( الله يشهد أنه لا يوجد شي بخاطري عليك بس استغربت منها )
الموضوع الثاني اتمنى تكون فهمتني أنا سالت شيخ وعلمته بكل شي صار وكان جاوبه مثل جوابك وأزود , بس دعواتك أن الله يساعدني ويقدرني وأحله وأبري ذمتى لو أني عارف أنه صعب بس الله يكتب اللي فيه الخير .
ياليت توافقني أنه تكون مناقشتي وياك بالقسم ساعدني لان هني الموضوع يضيع ولكن بالقسم الاخر بيكون أفضل وأرتب اذا ما عندك مانع .
دعواتك لي ولها أن الله يصلح حالنا ويكتب اللي فيه خير لنا لاني والله انهديت من كثر المشاكل وياها .
وشكراً