مس ماريل مع احترامي لك ...على كذا ماراح يطالبها بحقه الشرعي طول العمر اذا انها بتفسره بالطريقه هذي...على كذا راح يعيش في ركن من اركان البيت ويتنازل عن جميع رغباته الفطريه...ويبدأ بالحداد طول عمره..
ياجماعه الخير ...من فينا لايعرف مرارة الفراق...والموت...ليش تتهمون اننا لانعرف الموت ومعنى الموت..للمعلوميه انا فقدت اخي التوأم واعتقد مايحتاج اشرح كيف علاقتي كانت قويه فيه خصوصا اننا توأم واول فرحه لامي وابي..ورغم صغر سني عندما توفى اعمارنا 8 سنوات غرقان في المسبح الا اني حزنت عليه ولازلت حزينه..لكن عمر الحزن ماخلاني اتصرف تصرف غير طبيعي في حياتي او اقصر في حقوق زوجي..فيه شي اسمه الايمان بالقضاء والقدر..
الام الي توفى ولدها امام عينها ودفن بجوار بيته وتشوف قبره من الشباك نعم حزينه ويمكن ماتنام الا ودموعها على المخده برغم حزنها لم تقصر في امور بيتها وزوجها...على حد قول الاخت. واتحدى اي احد يحزن على وفاة مخلوق مثل حزن ام على فقد ابنها..
اذا برايكم انه الحزينه ترتب وتنظف وتطلع وتتمشى وتضحك وتسولف وتشتم لكنها حزينه طيب ليش ماتقوم بحقوق زوجها وتكمل جميلها ....لالتوقعات على انها تنظر له انه زوج اخت اعتقد هذي المرحله عدت من زمان.. ويمكن التوقعات غلط يمكن ماتنظر له على انه زوج اخت احتمال تحبه بس تخاف..خصوصا انها لم يسبق لها الزواج...يمكن فيه شي في نفسها..غير كل التوقعات الي توقعها البعض..زوجتك تحب بنتك وتبي مصلحتها لكن ماتدري انه بعدها عنك بهي الطريقه وانفصالكم وقت النوم وكل واحد في غرفه ليس في صالح البنت..من مصلحتها انها تشوف ام واب منسجمين ومتقاربين وتجمعهم غرفه واحده وقت النوم..
اخ نايف اجلس مع زوجتك ووجه لها هذا السؤال وبما انها ماتحط عينها فعينك يفضل ان تكتب لها السؤال في ورقه وتسالها.وتترجاها تجاوبك.. انت وش تعني لها؟؟ وش نظرتها لك هل تنظر لك على انك زوج او زوج اخت وش محلك من الاعراب في حياتها.المفروض وقبل اي حل تتخذه تعرف انت من بالنسبه لها؟؟.وعليها تتخذ اي قرار تشوف انه في مصلحتك ومصلحة ابنتك..
اعتذر عن كثرة مداخلاتي . وبما انه ماعجبكم رايي واغلبكم ماأيدني ووعد مني انها راح تكون اخر مشاركه في هذا الموضوع من غير شر..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 05-10-2011 الساعة 05:16 PM