المشاركة الأصلية كتبت بواسطة أبو خليفه....
السلام عليكم ورحمة الله وبركاته
وعليكم السلام ورحمة الله وبركاته
جزيت خيراً أخي المستشار على ما تقدمه
وأنتم كذلك وجميع المسلمين
معاك خالد زوج لجين
حياك أخوي وألف مرحبا
أخي المستشار حاولت أني أشارك باسم لجين ولكن الله لا يوريك شو سوت بمجرد أني صارحتها بعلمي بمشاركتها بالمنتدى وانني على علم وسعيييييييييييييييييييييييد لهذا التغيير اللي حدث لها وطول فترة المصارحه وانا هادي يعلم الله باقي شوي اترجاها عشان تشارك وياي
كفوا وهذا اللي انتظره منك
اباك كبير وتكون أب للجين قبل أن تكون زوج
بس الله يسامحها ما قصرت زعلت وسوتها جريمه بحقها حولت الموضوع إلى أني مراقبها وأتدخل بخصوصيتها
وهذا اللي حصل هي صادقه انت تجسست وهذا لو بعد اذنها ما كان زعلت بس عادي شباب نمشيها يعني نقول لها حق تزعل ثم تهدتا عطها جوها
( حسستني يا خوي كأني واحد من الشارع مب زوجها ) جلست ساعتين وأنا أتفاهم وياها وهاااااادي ولا شي لساني نشف من كثر الكلام وهي ساااكته والدموع اشتغلت وبيني وبين نفسي ( شو اللي بلاني بهذه السالفه ) الله يسامح اللي شجعني .
الله يسامحك مثل ما سامحتني بس تأكد أني أشتغل بمصلحتكم الاثنين وكل هذا راح يكون ذكريات بإذن الله فاطمئن وثق بي فقط
أنا انهيت المحاضره من هنا الا وهي ماسكه اللاب توب مالها وحذفته على الارض على قولتها عشان ترتاح , انا يوم شفت السالفه تطورت لتكسير ووممكن يوصلي شي مسكت نفسي وقتلها الله يسامج على العذاب هذا اللي معيشتني فيه وطلعت .
ردود أفعال متوقعه ولها حجم وتنتهي مثل احتراق قدر يطفي الغاز ويطلع اللي فيه ثم نعدل القدر ونزود الماي وننظف الغاز ثم نكمل الطبخه هههه
من البارحه وهي قافله البباب الحجره على نفسها بتجنني لا كلت ولا طلعت منها فكرت اتصل على أخوها يجي يشوف لي صرفه معاها بعدين قلت لا والله لا أخليه وتعرف ان الله حق .
لا ما أقبل تدخل أخوها بالموضوع لأنك راح تنقل الموضوع من زوجي بين أثنين إلى عائلي بين ثلاثه او اربعه هههه حدك هني وبس
لا بعد أزيدك من شعر بيت طول الظرابه وهي تقول ليش تتدخل بيني وبين بابا وأنا مثل الأطرش بالزفه سالتها منو جاب سيرت أبوج ( قصدي عمي ) شككتني بنفسي لا طلعت المدام تقصدك
ههههههههه بديت تغار ههههه يا اخوي فعلا أنا أبوهم كللهم بالمنتدى ويحسون هالشعور وللله الحمد مما يجدونه عندي نفضل الله
, بيني وبين نفسي قلت
الله وأكبر عليج أنا لي سنه وياج مب عارف شلون أتفاهم والا أرضيج , والمستشار رجل الرجال صار مثل أبوج ولا أدخل بينكم
نعم ياخي لا تدخل بين بنت وابوهاااا هههه تابع وتفرج بس
بلعتها وسكت ( الله يشهد أنه لا يوجد شي بخاطري عليك بس استغربت منها )
أعرف أخوي وبصراحه يمكن أجي الامارات في إجازة الحج إن الله أراد أنت يبالك جلسه عشان موضوعك الثاني
الموضوع الثاني اتمنى تكون فهمتني أنا سالت شيخ وعلمته بكل شي صار وكان جاوبه مثل جوابك وأزود , بس دعواتك أن الله يساعدني ويقدرني وأحله وأبري ذمتى لو أني عارف أنه صعب بس الله يكتب اللي فيه الخير .
الحمد لله الذي ردك إلى الحق والغلط البقاء على الغلط مع العلم به ولكن الرجوع للحق نعمه وهذا يدل على تربيتك الخيرة وعقلك الكبير وعائلتك الكريمة ومنهجكم الطيب ولا أجامل.
ياليت توافقني أنه تكون مناقشتي وياك بالقسم ساعدني لان هني الموضوع يضيع ولكن بالقسم الاخر بيكون أفضل وأرتب اذا ما عندك مانع .
[COLOR="rgb(0, 100, 0)"]أبشر وابرك ساعه وساطلب من الإشراف نقل الموضوع هناك وأرجو أن تبلغ بنتي ( سمعت بنتي) أن ابوها يباها تجي يتفاهم معها ونبي نحشك حش بس تحمل )
دعواتك لي ولها أن الله يصلح حالنا ويكتب اللي فيه خير لنا لاني والله انهديت من كثر المشاكل وياها .
وشكراً[/COLOR]
|