أهلاً أستاذي من جديد
أتمنى أن تكون بصحة جيده ..
اقتباس:
|
ألف مبروك والنتائج الآن كيف؟
|
أيامك مباركه..
انا كتبت النتائج .!
اقتباس:
ممن كان ؟
يااالله هو رجل لم أعرفه الا بتلك اللحظه وعلى ما اظن انه كان من جيراننا ..
وهل حدثتي فيه أحد؟
لآ ..
او كتبتي عنه قبل هذه المره؟
نعم , كتبته في استبيان هنا على الانترنت .. الاستبيان كان عن التحرش وقد كان يتضمن كتابة رساله للمتحرش وايضا مشاعري تجاه الحادثه وايضا كتابة الموقف
|
انا قد قطعت عهداً قبل سنوات ان لا أتكلم به ابدداً , في محاولة مني للنسيان .. وترك الامر بيد الله
اقتباس:
|
ولماذا هذه الجرأة في التفكير؟ وما السبب؟
|
جرأة .!!
بصراحة لا اعرف ماذا كنت اريد ان اتوصل اليه ..
وطبعا السبب اهلي لأني أشعر بعدم محبتهم وبعدم اهتمامهم وقد جائتني أفكار بأنني لست بنتهم ,
يمكن كنت بهذا التفكير اريد ان اثبت أنهم لن يستطيعوا ان يتركوني حتى ولو انهم لم يحبونني ..
اقتباس:
|
كما هو الواقع او تفسيرك لتصرفاتهما؟
|
اكيد هو الواقع ..
انا ماالومهم لأن المحبه من الله , مو بيديهم , بس ع الأقل ينصفونني .!
اقتباس:
|
قصدك عين ؟ أو تهيؤات منك ؟
|
وشلون عين مافهمت ؟
لآ مو تهيؤات , هي تراقبني بعيونها بكل حالاتي اقوم اجلس امشي التفت عيونها بس علي حتى إني زهقت طبعا منها ومن تصرفاتها وصرت أجلس قدام إذا شفتها ورآ واحس بها تناظرني واذا هي صارت قدام انا اجلس بعيد عنها ورآ والله ماكذب انها تلتفت علي تخيل بوسط المحاظره بس كذا تلتفت وتناظرني وتعدل ولا تدور اي شي تلتفت عشانه عشان بس تناظرني احيانا مافيه شي واتعذر بشعرها عشان بس تلتفت علي حتى والله بالامتحانات اذا خلصت لازم تلتفت علي ومن زود حظي ان اغلب محاظراتي ان ماصارت كلها تكون بنفس محاظراتي .. والله عذاب نفسي استمر سنه والسنه اللي فاتت خفت البنت لاني متجاهلتها ولا كأنها مخلوقه واشياااء كثييره ومواقف حتى والله وانا امشي بالساحه احس انه احد يناظرني بعدين التفت لنفس الجهه والقاها جالسه مع صديقاتها تناظرني وصرت ما التفت ابددا على طريقي وبس عشان ماتحس اني مهتمة لها او اني لاحظتها .. تصدق انها تحسب لي متى جيت ومتى غبت ؟!! وتدور اي شي عشان تسألني فيه .. انا بالبدايه كنت اشوفها تناظرني واحس انه عندها شي بتقوله وقلت ابسولف مهعا يمكن البنت متردده المهم واجلس معا واسولف ابغاها تقول شي بس للأسف بس ساكته ان سألته تجاوب وبس .. بس تجلس تناظر بي واحيانا ترجع بالكرسي وتعلق عيونه وانا اصلا اصير منشغله عنها اقعد اكتب او اي شي يعني ماعطيتها وجه المشكله انها بس تناظر وتبتسم مادري تظن انها شايفه مهرج !
والله حتى صديقاتي لاحظوا يقولن وش عندها بس تناظرك ؟! وانا والله ماكد قلت لهن عن موقفها او اي شي عنها ..!
حتى هي عيونها حآره وجريئه وهذا اللي يخوفني منها ماقدر احط عيني يعينها مره قلت ااذا ناظرتني ابحط عيوني بعيونها وأأشر لا يعني وش تبين فيه شي ؟ وتشجعت مره وقلت خلاص ابوقفها عند حدها ويوم ناظرتها والله ولا استحت ولا شي انا ع طول ابعدت عيوني اصلا خففففت منها دايما اتضايق اذا شفتها ودي اموتها اذا شفتها اتوتر وودي ابعد عن المكان اللي هي فيه ..
على نهاية العام تقريبا جت لمي وقالت لي وينك مانشوفك ؟ مادري وش تقصد مع ان محاظراتي معها ويوميا اشوفها بس صدق اني مو لمها ابدددا واتقصد اني اذا تكلمت معها اجاوبها قد سؤالها وبس ابي ابين لها اني اكرههااااا واذا جلست مع البنات الثانيات اضحك واسولف بكل حريه وادري انها تناظرني ..
وهالسنه احس انها ودها تعطيني كففف بس انا احس اني انتصرت عليها ولا همتني مع انهااا للحييييين تحاول تجلس بالمقاعد اللي قدامي مباااشره عشان اناديها بس عشم ابليس بالجنه , واحسن مافي هالقصه انها ماتتجرأ انها تكلمني احس انها حذره وماتقدر تمون علي وادري اني انا اللي حطيت هالحواجز معها ..
والله جتني فترة اشوفها بالحلم واحلام مقززه .. والله مر علي اسبوع يوميااا لازم تجيني بالحلم ..
يااالله تكلمت كثيير بس معليش انا ماتكلمت مع احد بهذا الموضوع ابدددا ..
اقتباس:
لا ما كتبتي كل شي
واصلي الكتابة وبكل التفاصيل
ثم اقرئيها بصوت مسموع ثم اكتبي مشاعرك بعد ذلك
|
ليش ماكتبت كل شي .؟؟؟!! وشو اللي ماكتبته ؟؟
خلاص انا كتبت كل شي وقريته ..
على فكره انت طلبت مني بالبدايه كتابة المواقف وتقييمها وكتبت بعضها وتوقفت ..
ولما طلبت مني هنا كتابة المواقف فقط .. رحت وكملت عليها ماودي اكتبها من جديد .. صعبه والله صعبه ..
وفيه شي ثاني انا اشوف انك تطلب من البنات انه مايصير عندها مثلا جوال بس انا يوم اكتب كانت عندي اختي ويوم اني اقرا اختي كل شوي تدخل علي , ع طول تفقدني وتدور علي .؟
اقراهن من جديد بدون مااعيد كتابتهن .. كذا صح ؟؟
وكيف اكتب مشاعري ؟ تقصد اني اكتب مشاعري تجاه المواقف ولا كيف ؟؟؟
فيه شي ثاني , انا احس ان بداخلي غضب وودي افجر بالعالم وحاسه اني مو متحمله شي ابددا ؟؟
وفيه شي ابقولك انا أكره امي وخاااصه ابوي .. المهم اني هاليومين حاسة ان ابوي مو على العاده وهو انه اذا طلب مني شي مثلا مويه او اي شي اذا عطيته اياه يقولي جزاك الله خير وهذا طبعا شي غريييب هو ماعمره قاله لا لي ولا لامي ولا لأخوتي يعني ماعمري سمعتها منه واذا قالها ابدددا ما استسيغها .. وحاسه ببعض المواقف صاير حليل .!!!!
وما استبعد انه ملاحظ اني اكرهه .. واقولك بكل صدق مايهمني انه يعرف اني اكرهه متساويه عندي ..
صراحه شي محيرني وش تتوقع صاير له ؟؟؟
وعلى فكره مو انا بس اللي اكرهه حتى اخوتي واختي ..
امممم اعتذر عن ردي اللي بالعيادة ان كان ضايقك وصراحة كنت اتوقع ان الاشراف بيحذفونه .. واتمنى تعذرني لاني كنت معصبه و بحالة حزن وزاد انك تأخرت علي بالرد وصارت الدقه فيك ..
آآآسفه جداً .. وأتمنى ما تتأخر علي بالرد واعرف انك مشغول و مو فاضي لي .. بس صراحة اشوفك اون لاين وترد على الأعضاء وانا ماشوف شي مع ان حالتي اهون وابسط منهم ومكرره ..
سامحني ولا تتأخر علي ..
ومـــع خالص الشكر والتقدير ..
__________________
إنـي ابتليت بـأربع مـا سُلِّطوا --- إلا لـشـدّة شقـوتـي وعنـائي
ابليـس والدنيا ونفسي والـهوى --- كيـف الخلاص وكلهم أعـدائـي
بمـعية الرحمن ونـهج حبيبـه --- أبــلغ بـإذن الله رجـــائـي