أختي الكريمة كنت مثلك حايسه
وأخذتها من قصيرها ورحت لطبيبة جلدية معروفه وبنت حلال ع الآخر
وأعطتني منتجات إيطالية ممتازة وكلها من مستخلصات الطبيعة
من كريم تقشير وتنظيف وترطيب وبعد صابونة جليسرين
وفوقها كتبت لي واقي شمس حتى لو اني في بيتي احطه
والحمد لله مرتاحه كثيير وصارلي سنتين أراجع عندها لأنه للأسف هذي المنتجات خاصة بعيادتهم
ولكنها حذرتني من استخدام البخار في البيت >> تحذير شديد اللهجة
وقالت ما ينوبك إلا تفتيح المسام مره عن مره وتبتلشين بعدين
يا تسوين عندي البخار يا في أحد المشاغل الراقيه واللي يخافون الله
لكن عندك ثلاث شركات ممتازة إذا ماتبين طبيبة
أولهم شركة ESTEE LAUDER وهي شركة أمريكية والأولى حالياً في عالم الكريمات والمكياج
وعندك في الصيدليات منتج اسمه Correction جربي تقشيرهم وترطيبهم وبعد كريمات التبييض كلها زينة
وعندك بعد في الصيدليات منتج اسمه Beesline ممتاز بعد خذيه من مجاميعه على قولهم
لكن أحيان الشركتين الأخيرة ما تلاقين كل منتجاتهم في صيدلية وحدة>> يعني رفع ضغط أحيان
لكن من تجاربي أنا وأخواتي وصديقاتنا >>> لا يعلو على هالثلاث أبداً بعد الطبيبة اللي نروح لها