المشاركة الأصلية كتبت بواسطة لجين الحزينه
السلام عليكم بابا اتمنى تكون بخير :
وعليكم السلام ورحمة الله وبركاته ابنتي السعيدة وأبشرك بخير يا بابا أنا صرت مب قارده اتحمل اجلس بيت عمي أحس والله نفسي تعبت وكم مره أطلب من خالد يرجعني للبيت يقول لالالا , يقولي ماحد غلط عليج ولا احد كلمج ليش مب مرتاحه وأنا والله بعد ما غلط عليهم وأحبهم كلهم بس والله مب قادره أشوف خواته يوم يجون هذا الموضوع معصبني أكثر تخيل يجلسون يضحكون ويسولفون ويا خالتي ( أمهم ) وأنا بس قاعده أطالع فيهم وإذا طلعت جناحي يجلس يصارخ عليا أنتي مريضه وما تحبين أحد , حتى يوم طلبت منه يوديني بيت أبوي رفض خلاص مليت أنا في البيت قاعده ما أطلع مكان أونه يتعذر أنه أبوي مسافر يعني بتروحين عند منو أنا اشتقت لحجرتي طلبته منه نسير سوا ونجلس يومين في بيت أبوي ما رضى , صار يصارخ بسرعه ويرفع صوته يوم يعصب كم مره أعلمه هذا الاسلوب ما يعجبني لا تصارخ يوم يتكلمني يرد يقولي اسألي نفسج عقب حاسبيني يعني لازم يردني انا الغلطانه .
ههههههه يا حليلك بنتي لجين
1- الحين أنتي زوجة ولدهم وهم يشوفونك شي كبير ولك مكانتك وشخصبيتك ويحبونك ويفتخرون فيك ويبونك تعيشين معهم لأنك زوجة الغالي خالد وتحبينه ويحبك وهم يحبونكم فيبونكم أثنينكم واياهم.
2- يوم كنت ببيت أبوك وفي غرفتك أنتي بنت بابا بس وما لأحد علاقه فيك وما عليك أي مسؤولية بس الحين عليك مسؤولية أنك زوجة خالد وعليك مسؤولية أنك زوجة ولدهم.
3- أنتي الحين تعطينهم صورة عن تربية أبوك لك فإذا طلعتي فاشله عندهم قالوا شف تربية عمي فلان في بناته ما يعرفون وما يسوون وبس منغلقين باغرفهم لا ينزلون ولا يحترمون فبيضي وجه أبوك وخليكِ سنعه معهم عشان يقولون ونعم بنت فلان عاش وربى وما منعها العز والدلال إنها تكون مره سنعه تشرف زوجها عند أهله.
4- غرفتك موجوده والوالد موجود والدلال موجود بس هم خالد وأهله لهم حق عليك وبكرى تحملين وتصيرين أم وعليك مسؤوليات كيف راجح تتصرفين.
5- كلهم يحبونك وأكثر شي خالد بس أنتٍ بدلالك الزايد تبغين الدنيا كلها مثل أبوك وأبوك مدللك زيادة عشان يعوضك الأم مع الأب بس والحين خلاص أنتس زوجة خالد ومرت حمولة يعني أسرة خالد كلها تحبك ويبونك تدخلين معهم ونهاية الاسبوع تروحين للوالد زيارة زي أي زوجة إبن . تخيل يا بابا ساعات احسه يستفزني يوم يشوفه امه يجلس حضن فيها ويبوس فيها كانه ما شافها من 100 سنه وهي بعد , انا خبرته لا تسوي هذا الشي جدامي يرد يقول بعد تبغين تحرميني من امي , يعني هو ما يباني أمنعه من امه وهو عادي يمنعني مب من حقه يمنعني طلبت منه نسير سوا عند أمي وأشوفها صار مثل المجنون يصارخ هذي الانسانه ماتت فهمتي ولا لا ريحيني , ليش يكلمني بهذه الطريقه وكل ما نتهاوش يهددني تراني بتزوج عليج يتحسبني بزعل والله عادي .
بالنسبة لموضوع أمك راح تستوي الأمور على كيف ما تحبين ومن خالد نفسه بس صبري عليّ شوي بديت معه بطريقة سهلة وعقلانية ورراح تشوفين كل خير بس لا تستعجلين وعاملي خالد بهدوء وريسحي باله واستمتعي معه لا تخربين جوكم على دلال زايد كان في وقته حلو وصحيح بس الحين خففي منه شوي واستانسي مع خالد وأهله. يا بابا سالفة رقاد بنفس الحجره ما أقدر والله ما أقدر حاولت بس مب قادره أحس أني أول ما أدخل الحجره ونكون مع بعض احس مثل الضيجه وأريد أصيح لغاية ما أطلع من الحجره أرتاح وهو عارف هذا الشيء يقولي تدلعين وغصبن عنج بترقدين وياي بالحجره يعني واحد يدور لنفسه المشاكل .
لا مو يدور لنفسه مشاكل بنتي
بس أنتي تحسين أنك لجين الطفلة اللي مللها بابا بس وخالد يشوفك الزوجة اللي له الحق ينام معها ويجامعها
يا بنتي لا تحرمين نفسك المتعه الحلال والنوم مع زوجك بسبب وسوس الشيطان يبي يحرمك من الخير بسببها إقري المعوذات والقرآن الكريم في غرفة النوم وآية الكرسي وراح تروح الضيقه وإن كان لبابا رجل الرجال خاطر عندك جربي وعلميني خالد يحبك ويستاهل يا بابا احس نفسي رجعت مثل قبل وهذا اللي مكدرني ومعصبني مب قادره أستوعب شيء ولا اتعامل ويا أحد الكل يصارخ ويعصب بسرعه وانا طبعي لا هادي وما أحب الصراخ ولا صوت العالي خلالاص تعبت.
عصبي زيهم وصارخي طلعي اللي بقلبك بس خليك حنون وافهمي مين الصح ومين الغلط ولا تطلبين الكل يصير لك زي أبوك (كان وضع مؤقت يوم كنتي طفلة بس)يا بابا الله يخليك أطلب منه يوديني عند أمي لو يوم واحد بس أشوفها وكم مره أقوله والله لو وديتني عقبها ما راح أتكلم ولا أفتح هذي السالفه وياك مب رااااااضي يقول انسيها
يا بنتي قلت لك أنتظري مني ومن خالد كل خير راح تجيك الأمور وخاصة موضوع ماما على كيفك بس ما أحب أكشف لك كل شي وعطي خالد فرصه يعني أدخلي معه جو الزوجة وأكبري ونامي بحضنه بالفراش وتعاملي مع خالتك وبناتها كأنك وحده منهم وأضحكي وعلقي عليهم الله يعطيك العافيه بابا
|