اممممممممم جاء ببالي شيء ما أدري صح أو لا
أنتِ قلتي في الموضوع الأساسي إنها تاكل وجبتها لما ترجع من المدرسة
يعني هي حابه وجبتها والمشكلة مو بالوجبة بس ما تاكلها بالمدرسة
لا يكون أحد بيتريق عليها وعلى وزنها بالمدرسة فعشان كدا ما تحب تاكل هناك ؟
اسأليها ليش ما بتاكل بالمدرسة بدون ما تقولي لها أحد بيتريق عليكِ
وراح تحسي من اجابتها إذا في شيء زاعجها أو لا ..
لأن احنا يالكبار إذا ما أفطرنا طول الصباح ما نقدر نشتغل ونتحرك طبيعي
فما بالك بطفلة في دوام مدرسي بدون أكل ؟ أحسها صعبه جدًا ..
بس إذا حسيتي أن الموضوع ماله علاقة بوزنها وهي مو متحسسه منه
فلا تدخلي براسها إن وزنها غلط ولازم تغيره عشان لا تفقد ثقتها بنفسها ..
غيريه من خلال تغيير وجباتها ووجبات العائلة أجمع عشان لا تحس إنها مقصودة ..


لا والله ما تكفي الوجبات الرئيسية ، لازم نقنقه قبل المغرب
أحيانًا كورن فليكس، وأحيانًا شاي بالحليب مع بسكويت
وأحيانًا سطلة فواكة، وأحيانًا سندويتش توست ، ونادرًا اندومي
يعني حسب الموجود بالبيت ..

الشيبسات يشتريها من المدرسة وأحيانًا أحرمه وأنقص من مصروفه
ولما يروح ياخذه أبوه نهاية الدوام يعطيه فلوس وهو يشتري
ياما تكلمت عن هالفلوس ولا حياة لمن تنادي
بس الأولاد عليهم لعب مو طبيعي حصص الرياضة بالمدرسة
ولعب كورة وقت العصر فيحرقوا أكثر من البنات ..


::